हामी सबैकाे संसारन्यूज

१ फागुन, पोल्याण्ड । नेपाल कम्युनिष्ट पार्टी (नेकपा) ले पोल्याण्डस्थित प्रवासी नेपाली एकता मञ्चको टुंगो लगाएको छ ।
नेकपा प्रवास समन्वय कमिटीको हालै सम्पन्न बैठकले पोल्याण्डमा क्रियाशील दुई संगठन प्रवासी नेपाली मन्च र नेपाली जनप्रगतिशील मन्चको एकता गरी प्रबासी नेपाली एकता मञ्च पोल्याण्ड गठन गर्ने निर्णय गरेको हो ।

जसको अध्यक्षमा टंक बहादुर कटुवाल र सचिवमा विनोद कुमार आचार्य रहेका छन् भने सदस्यहरुमा लक्ष्मी प्रसाद भट्टराई, नवराज ढकाल, अक्षय रिजाल, करण कंडेल, गणेश थापा, टेकनाथ गुरागाईं, ईश्वर देबकोटा, शेरबहादुर परियार, आनन्द घिमिरे, सन्तोष अधिकारी, मनिषमान श्रेष्ठ, लालमाया पुन, राजु पुन, प्रशंशा प्रधान र आचल सुवेदी रहेका छन् ।
नेपाल कम्युनिष्ट पार्टी (नेकपा) प्रबास समन्वय कमिटीको बैठक कमिटीका अध्यक्ष युवराज चौंलागाईंको अध्यक्षता र पार्टी महासचिव विष्णु पौडेलको बिशेष उपस्थितिमा सम्पन्न बैठकले सो निर्णय गरेको जनाइएको छ ।

यसअघि प्रवास समन्वय कमिटीका सह-ईन्चार्ज लक्ष्मण पन्तलाइ (दक्षिण पूर्वी तथा पूर्वी एशिया), अध्यक्ष युवराज चौलागाइलाई ( ओसिनिया) सचिव श्रीप्रसाद साह (पश्चिम एशिया) र सदस्य तिलबहादुर वि.क लाइ (दक्षिण एशिया) को जिम्मेवारी तोकेको थियो । युरोप र अमेरीका भने समन्वय कमिटीका इन्चार्जलाइ जिम्मा दिइने बताइएको छ ।

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ?