हामी सबैकाे संसारन्यूज

४ चैत्र, काठमाडौं । सेयर बजार परिसूचक नेप्सेको ओरालो लाग्ने क्रम आज पनि कायम रहेको छ । मंगलबार सुधार आएको बजार बुधबार ४४.३३ अंकले ओरालोे लाग्दै १२७२.०६ अंकमा पुगेर रोकिएको छ । ठूला कम्पनीहरुको मापक सेन्सेटिभ पनि ३.०६ अंकले ओरालो लागेर २७४.५९ मा रोकिएको छ ।

नेप्से ओरालो लागेसंगै कारोबार रकम पनि १.५ अर्बको हाराहारिमा पुगेको छ । कूल सूचिकृत मध्ये १७२ कम्पनीको कारोबार भएको बजारमा १ अर्ब ४६ करोड ५१ लाख ८४ हजार ६ सय ५६ रुपैंयाँ बराबरको १८ हजार २ सय ५७ कित्ता सेयर किन बेच भएको नेप्सेले जनाएको छ ।

समूहिक लगानी कोष बाहेकका सबै समूहको परिसूचक राताम्मे देखिएको बजारमा बीमा कम्पनी समूहले सबैभन्दा धेरै गुमाएका छन । जीबन बीमा कम्पनी समूहका लगानीकर्ताले ४२६.४८ अंकले गुमाउँदा निर्जीवन वीमा कम्पनीका लगानीकर्ताले ३८८.३४ अ.कले गुमाएका छन ।

एनआईसि एसिया बैंक, एनएमबी बैंक तथा नेपाल लाईफ इन्स्योरेन्स कम्पनीले सबैभन्दा धेरै कारोबार गरेको नेप्सेले जनाएको छ ।