हामी सबैकाे संसारन्यूज

७ चैत, काठमाण्डौं । जनस्वास्थ्य विज्ञ डा रविन्द्र पाण्डेले यतिबेला कोरोना भाइरसका कारण नेपाललाई भारतबाट धेरै खतरा रहेको बताउँदै सरकारले १५ दिन लकडाउन गरेमा दुरदर्शी निर्णय हुने सुझाव दिएका छन् ।

स्वास्थ्य क्षेत्रमा पछिल्लो समय विशेषत विश्वभरी फैलिएको कोरोना भाइरसका बारेमा जनचेतना जगाउँदै आएका डा. रविन्द्र पाण्डेले भारतबाट हामीलाई धेरै खतरा रहेको र एयरपोर्ट लक, नाकाहरु सिल तथा पकेट एरियालाई लकडाउन गर्न सरकारलाई सुझाएका हुन् ।

यो व्यवस्था अपनाउँदा बाहिरबाट कोही पनि आउन नपाउने तथा यहाँ कोरोनाको संक्रमण भएका व्यक्तिहरु भएको भएपनि त्यो १५ दिनमा आफै निको हुन्छन् या अस्पताल भर्ना हुनुपर्ने पनि डा. पाण्डेले बताएका छन् ।

‘एकले अर्कोलाई सार्ने क्रम रोकिन्छ । सुरुमै यो ब्यबस्था भएको भए अरु देशमा भयाबह हुने थिएन । हामीले गर्ने रोकथाम हो । उपचार त आफ्नै इम्युनिटीले गर्ने हो ।’ डा पाण्डेले लेखेका छन् ।

कोरोना संक्रमणको त्रासः रोगभन्दा भ्रम घातक छ