हामी सबैकाे संसारन्यूज

नेपालीहरु विविध कारणले आर्थिक सम्वृद्धिबाट पछि पर्न बाध्य भयौ । तर अब त्यो अवस्था छैन । ढोका खुलेको छ । हामीले व्यवस्थापन गर्न बाँकी छ । नमिलेको मनहरु मिलाउदै जान बाँकी छ । हाम्रा घमण्डहरुलाई खुम्चाउन बाँकी छ । सबैखाले उन्मादलाई बिसाउन बाँकी छ । छलफल, अन्तरसम्वादबाट समस्याको समाधान गर्ने वानी वसाउन अझै सकेका छैनौ । अबका दिनहरुमा त्यसो नगर्ने बाचा गरौ । विदेशमा रहेका नेपालीहरुलाई स्वेदश फर्काउने कार्यक्रम वनाउन ढिलो नगरौ । सत्ता होईन अब जनता हो भन्ने सु–सस्कृतिहरु निर्माण गरौ ।

नेपाल कम्युनिष्ट पार्टी(नेकपा)का केन्द्रीय सदस्य मुक्ति प्रधानले विदेशमा रहेका नेपालीलाई स्वदेश फर्काउन ढिला नगर्न सरकारसँग आग्रह गरेका छन् । नयाँ वर्ष २०७७ सालको शुभकामना दिने क्रममा उनले पछि परेको नेपालको आर्थिक समृद्धिका लागि विदेशमा रहेका नेपालीहरुलाई स्वेदश फर्काउने कार्यक्रम बनाउन ढिलो गर्न नहुने बताएका हुन् । उनले सबै मिलेर अगाडि बढ्नुको विकल्प नभएको भन्दै अब सत्ता होईन जनता हो भन्ने सु–सस्कृतिहरु निर्माण गर्न आह्वानसमेत गरेका छन् ।

उनी भन्छन् :

“सम्पूर्ण नेपालीहरुमा नववर्ष २०७७ को उपलक्ष्यमा हार्दिक शुभकामना सम्पूर्ण देशवासी र विदेशमा रहनु हुने नेपाली दाजुभाई दिदिवैनीहरु,
यसपटकको नयां वर्ष मुलुक भित्र र मुलुक वाहिर लकडाऊनको संकटको घडीमा आदान प्रदान गर्नु पर्दा एउटा नयां अनुभवको महसुस भैरहेको छ । नेपालको उत्पति देखीनै नेपालीहरु विभिन्न घटनाक्रमको विरुद्ध जुध्दै, हाल यो कोरोना संकटमा जिवन बिताउन बाध्य भएका छौ । यो साझा संकटलाई साझा रुपमा प्रतिरोध गरि विजय हासिल गर्नु वाहेक हामीहरुको अगाडी अरु कुनै विकल्प छैन । हामी नेपालीहरुले केही वर्ष अगाडी मात्र नाकावन्दी, नरसंहारकारी भुकम्प र प्राय सबै वर्ष हामी नेपालीले वाढी पैरो लगायत विभिन्न विपतकालिन अवस्थाहरु भोग्दै आएको हामीहरुलाई प्रसस्तै अनुभवहरु छन् । तर पनि नेपालीहरु कहिल्यै थाकेका छैनन्, कहिल्यै आत्तिएको छैन, कहिल्यै त्रसित हुन जानेका छैनन । बरु भुकम्प पछिका, नाकावन्दीलाई सहजै पार लगाईयो । देशभित्रका सबै विपतलाई पाखा लगाउदै आएका छौ । यसलाई विभिन्न कोणबाट परिभाषा गरे पनि सत्य नेपाली जनताको गौरवपूर्ण एकता र एकातामा आधारित साहस नै हो । नेपालीहरु विविध कारणले आर्थिक सम्वृद्धिबाट पछि पर्न बाध्य भयौ । तर अब त्यो अवस्था छैन । ढोका खुलेको छ । हामीले व्यवस्थापन गर्न बाँकी छ । नमिलेको मनहरु मिलाउदै जान बाँकी छ । हाम्रा घमण्डहरुलाई खुम्चाउन बाँकी छ । सबैखाले उन्मादलाई बिसाउन बाँकी छ । छलफल, अन्तरसम्वादबाट समस्याको समाधान गर्ने वानी वसाउन अझै सकेका छैनौ । अबका दिनहरुमा त्यसो नगर्ने बाचा गरौ । विदेशमा रहेका नेपालीहरुलाई स्वेदश फर्काउने कार्यक्रम वनाउन ढिलो नगरौ । सत्ता होईन अब जनता हो भन्ने सु–सस्कृतिहरु निर्माण गरौ ।

देशका सवै जाति भाषा, धर्म्, सस्कृति र परम्परा नेपाल र नेपालीको हो भन्ने गर्व गरौ । रुढीगत सोच, छुवाछुत र भेदभावलाई सचेतका साथ अन्त गरौ । कोही नेपाली पनि भोग, रोग, बेरोजगार, अशिक्षा र गरिविले छटपटाएको देख्न नपरोस भन्ने हामी सवैको साझा संकल्प गरौ । नेपाल सबै नेपाली अट्ने साझा देश वनाउने अभियानमा जुटौँ । देश मेरो मात्र हो भन्ने एकाधिकारवादी सामन्तीहरुलाई ढालीसकेका छौँ । मुलुकमा संघीय लोकतान्त्रीक संविधानको उज्यालो उषाको किरण जस्तै चम्कीदै आएको छ । जनताको रगतको आहालवाट खडा गरेको लोकतन्त्र , गणतन्त्र, संघियता, धर्मनिरपेक्षताको विरुद्धमा षडयन्त्र गर्न खोज्ने प्रवृतिहरुलाई समुल नष्ट गरौ , यीनै प्रतिवद्धता र खवरदारीका साथ यो कोभिड — १९ को त्रासलाई शक्तिमा वदल्दै यस्को विरुद्धको अभियानमा जुटौ, यस्को सक्रमणबाट हामी आफु बचौँ । विश्वको सवै मानव जातिलाई वचाउने संकल्प गरौ हामी नेपालीहरु यो लकडाउन संकटको घडीमा धैर्य धारणा गर्ने क्षमताको अभिवृद्धि होस भन्ने कामनासहित २०७७ साल नयाँ वर्षको उपलक्ष्यमा सबै नेपालीहरुमा हार्दिक शुभकामना । शुभकामना ।। शुभकाना ।।”