हामी सबैकाे संसारन्यूज

३ बैशाख, बेलायत । बेलायतमा रहेका दुई गोर्खा सैनिकको मृत्यु भएको छ ।

बेलायतको लन्डनस्थित प्लमस्टिडमा बस्दै आएका गोर्खा सैनिक आर्मी नम्बर २११६५४१४ स्याङ्जा लक्ष्मण श्रेष्ठ र तनहुँ शुक्लागण्डकीका हस्तवीर गुरुङको बुधबार (बैशाख ३, १५ अप्रिल) मा मृत्यु भएको हो ।

कुईन्स गोर्खा ईन्जिनियरका श्रेष्ठको कोरोना संक्रमणका कारण मृत्यु भएको हो ।

पासा पुचः गुठी साउथ इष्ट लन्डनका अध्यक्ष सुशील प्रजापतिका अनुसार पुख्र्यौली घर स्याङ्जाको पुतली बजार रहेका ५८ वर्षीय श्रेष्ठको बुधबार बिहान लण्डनस्थित गाइज अस्पतालमा मृत्यु भएको हो ।

पासा पुचः गुठी साउथ इष्ट लन्डनका आजीवन सदस्य समेत रहेका श्रेष्ठ समाजमा उनको परिवारसहित सक्रिय रहदै आएका थिए । प्रजापतिले उनको मृत्युले पासा पुचः गुठी बेलायत मर्माहत भएको बताएका छन् ।

अध्यक्ष प्रजापतिका अनुसार ज्वरो आएपछि घरमै आइसोलेसनमा बसिरहेका उनलाई सास फेर्न गाह्रो भएपछि अस्पताल लगिएको थियो । अस्पतालले उनलाई कोरोना संक्रमण भएको पुष्टि गरेको थियो । कोरोना संक्रमणबाट उनको मृत्यु भएपछि श्रेष्ठका परिवार पनि आइसोलेसनमा बसेका छन् । अहिले उनीहरुको अवस्था सामान्य रहेको बताइएको छ ।

कोरोनाका कारण युकेमा आज पनि एक नेपालीको मृत्यु, मृतकको संख्या ११ पुग्यो

त्यस्तै तनहुँका ७८ वर्षीय हस्तवीर गुरुङ (आर्मी नम्बर २११५११९८) को पनि कोरोना संक्रमणका कारण बुधबारै मृत्यु भएको समाचार छ । उनी कोपरल कुईन्स गोर्खा ईन्जिनियर हुन् ।

बेलायतमा कोरोना संक्रमणका कारण एक नेपाली चेलीको निधन

पुर्ख्यौली घर तनहुँ शुक्लागण्डकी नगरपालिका वडा नम्बर १ भइ बेलायतको ननिटनमा छोरी दिलु गुरुङ ज्वाइँ बिजय गुरुङको साथमा बसोबास गर्दै आएका उनलाई कोरोना संक्रमणको शंका लागेपछि ननिटनस्थित जर्ज इलियट अस्पतालमा अप्रिल ५ मा भर्ना गरिएको थियो । उनको बुधबार बिहान मृत्यु भएको हो ।

बेलायतमा कोरोना संक्रमणका कारण अर्का पूर्वगोर्खा सैनिक मल्लको मृत्यु

उनकी श्रीमती र कान्छा छोरा बिदामा नेपाल गएको र दुई छोराहरू हङकङमा बस्दै आएको बताइएको छ ।

बुधबार श्रेष्ठ र गुरुङको मृत्यु भएसँगै बेलायतमा कोरोना संक्रमणका कारण मृत्यु हुने नेपालीको संख्या १३ पुगेको छ ।  बेलायतमा यसअघि कोरोना संक्रमणका कारण लिला बहादुर राई, पर्वतका चेत बहादुर गुरुङ र मेख बहादुर गुरुङ, सोलुखुम्बुका शिव श्रेष्ठ, विराटनगरकी बसन्ती राई, म्याग्दीका कुल बहादुर फगामी, चितवनका प्रशान्त अर्याल, बाग्लुङका कर्ण बहादुर क्षेत्री, स्याङजाका यम बहादुर मल्ल र पोखराकी पुष्पा घले र कास्की घान्द्रुकका  लक्षिन गुरुङ सहित १३ जनाको मृत्यु भएको समाचार संसारन्युजले प्राप्त गरेको छ ।

नातिको बिहेका लागि बेलायत पुगेका क्षेत्रीको कोरोना संक्रमणका कारण मृत्यु

बेलायतमा तीनदिनमा ५ नेपालीको मृत्यु