Sansar News
२० वैशाख, काठमाडौँ । नेपाल कम्युनिष्ट पार्टी(नेकपा)को सचिवालय बैठकमा प्रधानमन्त्री तथा पार्टी अध्यक्ष केपी शर्मा ओली लगायतका नेताहरुले आत्मालोचना गरेका छन् ।
प्रधानमन्त्री निवास वालुवाटारमा साँझ ३ घण्टा चलेको उक्त बैठकमा प्रधानमन्त्री तथा पार्टी अध्यक्ष केपी शर्मा ओली, कार्यकारी अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल लगायतका नेताहरुले आ–आफ्ना तर्फबाट आत्मालोचना गर्दै पार्टीलाई एकताबद्ध बनाउने प्रतिबद्धता व्यक्त गरेका हुन ।
स्थायी समिति बैठक बोलाउन ओली सहमत, यस्ता छन् दुई पक्षको तयारी
आजको सचिवालयको निर्णय अनुसार आगामी वैशाख २५ गते ११ बजे स्थायी समितिको बैठक बस्ने र त्यसको तयारीका लागि २४ गते ३ बजे सचिवालयको बैठक बसी स्थायी समितिबाट पार्टीलाई थप एक ढिक्का बनाउने निर्णय भएको प्रवक्ता नारायणकाजी श्रेष्ठले जानकारी दिए।
सचिवालय बैठकमा प्रधानमन्त्रीको राजिनामा मागीएपछि नेकपामा तनाब
श्रेष्ठका अनुसार पार्टी, सरकार वा सम्बन्धित क्षेत्रमा भएका कमि कमजोरीहरुलाई लिएर नेताहरुले आत्मालोचना गरेका थिए । एकता, सहमति र समाधानका माध्यमबाट पार्टीलाई अगाडि बढाउने निर्णय भएको पनि उनले जानकारी दिए।
उपाध्यक्ष वामदेव गौतमलाई उपयुक्त समयमा प्रतिनिधिसभाको उम्मेदवार बनाउन पहल गर्ने निर्णय भएको समेत श्रेष्ठले जानकारी दिए ।
यसअघि आजै दिउँसो प्रधानमन्त्री ओलीले उपाध्यक्ष वामेदव गौतम, अध्यक्ष प्रचण्ड लगायतसंग छुट्टाछुट्टै भेट गरेका थिए भने सचिवालय बैठकको ठिक अगाडि राष्ट्रपति विद्यादेवी भण्डारीसँग भेट गर्न शितल निवास पुगेको थिए ।
नेकपामा बनेको भैसेपाटी गठबन्धनबाट वामदेवलाई आफ्नो पक्षमा तानेर प्रधानमन्त्री ओलीले सचिवालयमा बहुमत पु¥याएको र प्रचण्ड–नेपाल गठबन्धनलाई रक्षात्मक स्थितिमा पु¥याएको टिप्पणी दिनभर आएको थियो ।
नेकपाका कार्यकर्ताको ठूलो पंक्तिले अहिलेको अवस्थामा मिलेरै जानुपर्ने सुझाव दिएका थिए ।
वि.सं.२०७७ वैशाख २० शनिवार २०:५७ मा प्रकाशित
