हामी सबैकाे संसारन्यूज

टेलिभिजन रहीरहेको बेला
मेरा दस वर्षे छोरो पनि मसँग टारिएर
समाचार हेर्न थाल्यो
मृत्युको ताण्डब भई रहेको थियो
मर्नेहरुको संख्या बढी रहेको थियो
अनि धेरै बेरपछि छोरोले सोध्यो
हजुरलाई पनि डर लाग्छ बुवा
त्यसबेला म मृत्यु गन्दै थिए
नदेखेको महाभारत युद्ध हेर्दै थिए
छोरोको प्रश्नको उत्तर मसँग थिएन
त्यसैले म मौन नै बसे
तर छोराको अर्को प्रश्न वाण आयो
बुवा त हाम्रो सुपरम्यान नि हगि
डराउनु हुँदैन भनेर हामीलाई सिकाएको
हगि बुवा
मसँग त्यसको पनि उत्तर थिएन
मेरो शहरमा मर्नेहरुको संख्या
बढ्दै गएको थियो
संक्रमितको संख्या झन अहाली लाग्दो थियो
मसँग छोरालाई सम्झाउने शब्द थिएन
मेरो मौनता देखेर छोराले सोध्यो
भन्नु न बुवा हजुरलाई पनि डर लागेको छ
मैले उसैलाई सोधे, किन
उसले भन्यो
किनभने मान्छे मर्दैछन् रे बुवा
के हामी पनि मर्छौ
अनि च्याप्प समातेर छोरोले भन्यो
मलाई एकदमै डर लागेको छ बुवा
छोरोको वाक्यले मलाई नराम्ररी डरायो
म पनि डराउन थाले
मृत्युसँग हैन
भविष्यबाट अनभिज्ञ छोराको
प्रश्न सुनेर म डराए
अनि छोरोलाई ढाडसको
सान्त्वनाले थपथपाउँदै भने
तिमीलाई केही हुँदैन बाबु
तिम्रो बुवा त सुपरम्यान हगि
(कोरोना प्रकोप अप्रेल २०२०)