Sansar News
५ जेठ, काठमाण्डौं । नेपालमा सोमबार (जेठ ५ सम्म) १ लाख २८३ जनामा कोरोना परीक्षण गरिएको छ । जसमा पछिल्लो २४ घण्टामा ४,३४९ जनामा परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।
मन्त्रालयका अनुसार आजसम्म पिसीआर प्रविधिबाट ३० हजार ७२३ र आरडिटी प्रविधिबाट ६९ हजार ५६० जनामा परीक्षण गरिएको छ । पछिल्लो २४ घण्टामा देशैभरी पिसीआर प्रविधिबाट २५५८ र र्यापिड प्रविधिबाट १७९१ नमुना परीक्षण गरिएको हो । आइतबारको तुलनामा १०८९ बढी पिसीआर टेष्ट गरिएको हो ।
प्रदेश परीक्षण विवरण
त्यसैगरी प्रदेश नं १ मा ९,२१७ प्रदेश नं २ मा ६०२८, बाग्मती प्रदेशमा ११,९२३, गण्डकी प्रदेशमा ६,९३२, प्रदेश नं ५ मा ९,१३२, कर्णाली प्रदेशमा ७,५८० र सुदूरपश्चिम प्रदेशमा १८,७५४ जनामा आरडिटी प्रविधिबाट परीक्षण गरिएको हो ।
क्वारेन्टाइनमा रहनेको संख्या
हाल सातै प्रदेशमा विभिन्न क्वारेन्टाइनमा २० हजार ९० जना रहेका छन् । जसमा प्रदेश नं १ मा ११८०, प्रदेश नं २ मा ३०८० बाग्मती प्रदेशमा २८५, गण्डकी प्रदेशमा ३९३, प्रदेश नं ५ मा १२,८१५ कर्णाली प्रदेशमा ७०७ र सुदूरपश्चिम प्रदेशमा १,६३० जना रहेको स्वास्थ्य मन्त्रालयले सोमबारको (जेठ ५ गते) को नियमित पत्रकार सम्मेलनमा जानकारी दिएको हो ।
आइसोलेशन र रेडजोनमा
त्यसैगरी हालसम्म आइसोलेशनमा ४१२ जना रहेका छन् । जसमा पछिल्लो २४ घण्टामा ६६ जना बढेका हुन् । आइसोलेसनमा रहेकाहरुमा उपत्यकामा २६ जना र बाहिरका अस्पतालमा ३८६ जना रहेका छन् । उनीहरुमा प्रदेश १ मा २७, प्रदेश २ मा १३३, बाग्मती प्रदेशमा ७०, गण्डकी प्रदेशमा १ र प्रदेश नम्बर ५ मा १९० र सुदूरपश्चिम प्रदेशमा ११ जना रहेका छन् ।
त्यस्तै आजसम्म रेडजोन (संभावित संक्रमति) मा रहेकाको संख्या ४०५ पुगेको छ । पछिल्लो २४ घण्टामा २३ जना थपिएका छन् । रेडजोनमा रहेकाहरुको कन्ट्याक ट्रेसिङ कार्य भइरहेको बताइएको छ ।
थप ९ जनामा कोरोना संक्रमण भएको पुष्टि, संक्रमितको संख्या ३०४ पुग्यो
कुन प्रदेशमा कति संक्रमित
हालसम्म संक्रमित भएकामध्ये प्रदेश १ मा ४०, प्रदेश २ मा १३२, बाग्मती प्रदेशमा १८(एकको मृत्यु) गण्डकी प्रदेशमा ३ प्रदेश ५ मा १५९ (एकको मृत्यु) र सुदूरपश्चिम प्रदेशमा ५ जना संक्रमित भएको तथ्यांक रहेको छ । सातैवटा प्रदेशमध्ये कर्णाली प्रदेशमा अहिलेसम्म संक्रमित भेटिएका छैनन् ।
थप ५२ जनामा कोरोना संक्रमण भएको पुष्टि, संक्रमितको संख्या ३५९ पुग्यो
संक्रमितको संख्या ३५९ पुग्यो
नेपालमा हालसम्म कोरोना संक्रमितको संख्या ३५९ पुगेको छ । नेपालमा आजमात्रै ६१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार सप्तरीका ९ जना, बाँकेको भेरी अस्पतालमा परीक्षण गरिएका ४७ जना ( पुरुष–४६, महिला–१), भैरहवा अस्पतालमा गरिएको नमुना परीक्षणमा गुल्मीमा १, विराटनगर अस्पतालमा गरिएको परीक्षणमा मोरङका १ र धुलीखेल अस्पतालमा गरिएको परीक्षणमा धनुषाका १, रौतहटका १, दाङका १ र धादिङका १ जना रहेका छन् । उनीहरुको सबै १८ देखि ४६ वर्ष उमेरका रहेका छन् । उनीहरुको अवस्था सामान्य रहेको बताइएको छ । कूल संक्रमित मध्ये हालसम्म ३६ जना निको भएर घर फर्किएका छन् भने २ जनाको मृत्यु भएको छ । बाँकी ३२१ जनाको विभिन्न अस्पतालमा उपचार भइरहेको छ । हालसम्म ३१ जिल्लामा संक्रमति भेटिएका छन् ।
वि.सं.२०७७ जेठ ५ सोमवार १८:०५ मा प्रकाशित
