हामी सबैकाे संसारन्यूज

५ असार, काठमाण्डौं । नेपालमा शुक्रबार ( ५ असार ) सम्म र्यापिड र पिसीआर प्रविधि दुवैबाट ४ लाख ९ हजार ६२३ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा दुवै प्रविधिबाट १० हजार ६३० वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिएका छन् ।

त्यसैगरी आजसम्म पिसीआर प्रविधिबाट १ लाख ६१ हजार ७४९ र आरडिटी प्रविधिबाट २ लाख ४७ हजार ८७४ वटा नमुना परीक्षण गरिएको हो । जसमा पछिल्लो २४ घण्टामा ६,२३१ वटा पिसीआर र ४,३९९ वटा र्यापिड परीक्षण गरिएको छ ।

मन्त्रालयका अनुसार हालसम्म देशका विभिन्न अस्पताल र आइसोलेसन सेन्टरमा ६,८५० जनाको उपचार भइरहेको छ भने रेडजोनमा रहनेको संख्या हालसम्म ५०३ पुगेको छ ।

त्यसैगरी हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या १ लाख ९ हजार ४६१ रहेको छ ।

हालसम्म नेपालमा संक्रमितको संख्या ८२७४ पुगेको छ भने आज निको भएर २१६ जना डिस्चार्ज भएसँगै नेपालमा हालसम्म १,४०२ जना कोरोना संक्रमणबाट मुक्त भएका छन् । साथै मृतकको संख्या २२ रहेको छ ।

काठमाण्डौंका तीनसहित ४२६ जना नयाँ संक्रमित, संक्रमितको संख्या ८२७४ पुग्यो
नेपालमा आज ४२६ जना कोरोना संक्रमणका नयाँ विरामी भेटिएका छन् ।  स्वास्थ्य मन्त्रालयका अनुसार आज सबैभन्दा बढी संक्रमण पुष्टि भएका जिल्लामा गुल्मीमा ९४ जना, बैतडीमा ६३ जना, कैलालीमा ४६ जना, सिन्धुपाल्चोकका २१ जना र कन्चनपुरमा २० जना रहेका छन् ।

प्रादेशिक जनस्वास्थ्य प्रयोगशाला विराटनगरमा गरिएको परीक्षणमा संक्रमण पुष्टि भएकामा झापाका १ महिला, मोरङका १ महिला र १ पुरुष, प्रादेशिक जनस्वास्थ्य प्रयोगशाला जनकपुरमा गरिएको परीक्षणमा सर्लाहीका १ महिला र १० पुरुष गरी ११ जना, सप्तरीका १ महिला र ३ पुरुष रहेका छन् ।

राष्ट्रिय जनस्वास्थ्य प्रयोगशाला टेकुमा गरिएको परीक्षणमा संक्रमण पुष्टि भएका अछामका १ महिला र ६ पुरुष गरी ७ जना, बाग्लुङका २ महिला र १६ पुरुष गरी १८ जना, बैतडीका ७ महिला र ५६ पुरुष गरी ६३ जना, बझाङका १ महिला र २ पुरुष गरी ३ जना, बाजुराका ८ पुरुष, डडेल्धुराका ९ पुरुष, धादिङका १ महिला, डोटीका ३ महिला र १२ पुरुष गरी १५ जना, गोर्खाका १ महिला र १० पुरुष गरी ११ जना, कैलालीका १३ महिला र ३३ पुरुष गरी ४६ जना, कास्कीका १ महिला र १ पुरुष, काठमाण्डौंका २ महिला र १ पुरुष, मकवानपुरका २ महिला, मोरङका १, महिला, म्याग्दीका १ पुरुष, नवलपरासीपूर्वका २ पुरुष, सिन्धुपाल्चोकका १० महिला र ११ पुरुष गरी २१ जना, तनहुँका ३ महिला र १६ पुरुष गरी १९ जना, पर्वतका ३ महिला र २ पुरुष गरी ५ जना, उदयपुरका २ महिला, सिन्धुलीकी १ र चितवनका १ पुरुष रहेका छन् ।

किटजन्य रोग अस्पताल तथा तालिम केन्द्र हेटौडामा मकवानपुरका १ महिला र ५ पुरुष गरी ६ जना, त्रिभुवन शिक्षण अस्पताल महाराजगन्जमा गरिएको परीक्षणमा संक्रमण देखिएका बैतडीका १ महिला र ४ पुरुष गरी ५ जना, पोखरा स्वास्थ्य विज्ञान प्रतिष्ठानमा स्याङजाका १ पुरुष, प्रादेशिक जनस्वास्थ्य प्रयोगशाला गण्डकीमा कास्कीका २ महिला र ४ पुरुष, नवलपरासीपूर्वका २ महिला, स्याङजाका १ पुरुष र बाग्लुङका २ महिला र ६ पुरुष गरी ८ जनामा संक्रमण पुष्टि भएको छ ।

आज काठमाण्डौंका तीनसहित ४२६ जनामा कोरोना संक्रमण पुष्टि, संक्रमितको संख्या ८२७४ पुग्यो

त्यसैगरी प्रादेशिक क्षयरोग केन्द्र पोखरामा गरिएको परीक्षणमा बाग्लुङका १, स्याङजाका ६ पुरुष, प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा अर्घाखाँचीका २ महिला र ४ पुरुष, गुलमीका १६ महिला र ७८ पुरुष गरी ९४ जना, कपिलवस्तुका ४ पुरुष, नवलपरासी पश्चिमका १ पुरुष, रुपन्देहीका २ महिलामा संक्रमण पुष्टि भएको छ ।

सेति प्रादेशिक अस्पताल कैलालीमा गरिएको परीक्षणमा अछामका १ पुरुष, कैलालीका २ महिला र १ पुरुष गरी ३ जना, कन्चनपुरका १ महिला र १९ पुरुष गरी २० जनामा संक्रमण पुष्टि भएको छ । आज संक्रमण पुष्टि भएकामा ८८ जना महिला र ३३८ पुरुष गरी जम्मा ४२६ जनामा संक्रमण पुष्टि भएको छ । हालसम्म नेपालमा संक्रमितको संख्या ८,२७४ पुगेको छ । महिला ७०७ र पुरुष ७,५६७ जना रहेका छन् । संंक्रमित व्यक्ति भेटिएका जिल्ला ७४ पुगेको छ ।

आज २१६ जना डिस्चार्ज, कोरोनाबाट निको हुनेको संख्या १४०२ पुग्यो
नेपालमा कोरोना संक्रमणबाट निको हुनेको संख्या दिनप्रतिदिन बढिरहेको छ । स्वास्थ्य मन्त्रालयका अनुसार आज कोरोना संक्रमणबाट २०० जना निको घर फर्किएका हुन् । उनीहरुमा महिला ९ जना पुरुष २०७ जना रहेका छन् ।
आज निको हुनेमा गोठगाउँ आइसोलेशन सेन्टरबाट भोजपुरका ४ जना, झापाका १२ जना, मोरङका ९ जना, सुनसरीका १५ जना गरी जम्मा ५० जना रहेका छन् ।

आज एकैदिन २१६ जना डिस्चार्ज, नेपालमा कोरोनाबाट निको हुनेको संख्या १४०२ पुग्यो

कोशी अस्पतालबाट झापाका ४ पुरुष, संखुवासभाका २ पुरुष, मोरङका १ महिला १ पुरुष, आइसोलेशन सेन्टर जानकी बाँकेबाट ४१ जना पुरुष, अल्पमाई नर्सिङइन्स्च्युट सर्लाहीबाट ४ महिला र ३५ पुरुष गरी ३९ जना, कोभिड १९ अस्पताल सपही जनकपुरबाट धनुषाका १ महिला र ३७ पुरुष गरी ३८ जना डिस्चार्ज भएका छन् ।

त्यसैगरी धरहरी स्कुल रौतहटबाट १ महिला र २९ पुरुष गरी ३० जना, जलेश्वर अस्पताल महोत्तरीबाट ४ जना पुरुष, साइकृष्ण आइसोलेशन सप्तरीबाट १३ पुरुष, प्रादेशिक अस्पताल सुर्खेतबाट २ महिला र १ पुरुष गरी ३ जना निको भएर डिस्चार्ज भएका हुन् ।

आज निको भएका २१६ जनासँगै नेपालमा कोरोना संक्रमणबाट निको हुनेको संख्या १४०२ पुगेको छ ।

नेपालमा हालसम्म ७८४८ जनामा कोरोना संक्रमण, २२ को मृत्यु, हेर्नुहोस् यस्तो छ अन्य अपडेट