हामी सबैकाे संसारन्यूज

(१)
घर जस्तो भएनी हुन्छ, बस्नलाई एउटा ।
चाहे ईलाम बस्नुहोस,चाहे धरान धनकुटा ।
खाडीमा झैँ आफ्नै देशमा, पसिना बगाएमा
हिरामोती फल्छ प्रत्येक, थुम्का बुटा(बुटा ।
(२)
पिर ब्यथा नबोकेको, घर भेटिन मैले ।
हिमाल झैँ मुस्कुराएको, शहर भेटिन मैँले ।
बिदुवाहरुका खुशीका दिन, किन आएनन् ?
आजसम्म पनि यस्को, उतर भेटिन मैले ।
(३)
म कस्तो छु भन्ने ढुङ्गा, माटालाई पनि थाहा छ ।
अन्धा अपाङ्ग अनि, लाटालाई पनि थाहा छ ।
तपाईसँग त बिवेक छ, अरुको भलाई सोच्नुस्
लडाउने खेल त चिप्ला, बाटालाई पनि थाहा छ ।
(४)
लुकिछिपी लुकिछिपी नगर्नु चियो, बुझ्नुभो नी ?
अरुकै पछी लागेर जिन्दगी सकियो, बुझ्नुभो नी ?
जे गर्नु छ तत्काल छलाङ मारी हालौँ अब हामी
समयले न तपाईं न मलाई पर्खियो, बुझ्नुभो नी ?
(५)
सँधै यो देशलाई क्यारेम खेल्ने गोटी बनायौ ।
राजनीतिलाई मात्र पेट पाल्ने रोटी बनायौ ।
अरु त केही गर्या छैन नेता तिमीले खै
आफू मोटाएर श्रीमती मोटी बनायौ ।

सुर्योदय न . पा.-१३, ईलाम 
हाल बुधबारे ,झापा