Sansar News
साहित्यकार गगनसिंह थापाले नयाँ कृतिका रुपमा ‘महाप्रलय’ उपन्यास लिएर आउँदै छन् ।
सुदूरपश्चिम कैलालीको टिकापुर घर भएका ७१ वर्षीय साहित्यकार थापाको छैटौं कृतिका रुपमा रहेको ‘महाप्रलय भदौको पहिलो साता सार्वजनिक हुने भएको हो ।
यस अघि सोह्र सौगात, कर्णालीको छेउछाउ, मेरो मधुशाला, पुर्खाको चिट्ठी र उज्ज्वली उपान्यासहरु ल्याइसकेका थापाको उक्त नयाँ कृति महाप्रलयमा विध्वंसकारी हातहतियारद्वारा संसारको प्रलय भएको दर्दनाक परिकल्पनाको कथा र पुनर्निर्माणको प्रारम्भको प्रयासका बारेमा रोचक शैलीमा प्रस्तुत गरिएको छ ।
थापाका कृतिहरुमा सुदुरपश्चिम र कर्णाली भेगका आंचलिक लोक सस्कृती र भाषा शैली खास बिशेषता रहेका हुन्छन् ।
उक्त पुस्तक साङ्रीला बुक्समार्फत् प्रकाशन गर्न लागिएको हो ।
वि.सं.२०७७ साउन १६ शुक्रवार १४:०६ मा प्रकाशित
