Sansar News
२८ साउन, काठमाडौं । अघिल्लो दिन ओरालो लागेको सेयर बजारमा बुधबार झिनो अंकको सुधार देखिएको छ । नेप्सेका अनुसार आज बजार परिसूचक १.५१ अंकले बढेर १४२५.३२ बिन्दुमा पुगेको छ ।
बजार परिसूचकमा सामान्य बृद्धि देखिए पनि करोबार रकममा भने गिरावट आएको छ । आज सूचिकृतमध्ये १८८ कम्पनीको करोबारमा ९५ करोड १९ लाख ६० हजार २०८ रुपैंयाँ बराबरको ३० लाख ३२ हजार ३११ कित्ता सेयर किनबेच भएको छ भने २० हजार ७ सय १९ पटक सेयर लेनदेन भएको छ ।
आजको कारोबारमा ब्यापार, बिकास बैंक, जलबिद्युत, बित्त कम्पनी, अन्य र लघुबित्त कम्पनी उपसूचक समूहको परिसूचक घटेको छ भने बैंकिङ, होटल, निर्जीवन बीमा, उत्पादन मूलक, जीवन बीमा र सामूहिक लगानी कोष कम्पनी उपसूचक समूहको परिसूचक भने बढेको छ ।
आजको कारोबारमा ६५ कम्पनीका लगानीकर्ताहरुले कमाएका छन भने ८५ कम्पनीका लगानीकर्ताहरुले गुमाएका छन् । त्यस्तै १८ कम्पनीको करोबारमा कुनै पनि परिवर्तन नभएको नेप्सेले जनाएको छ ।
वि.सं.२०७७ साउन २८ बुधवार १७:४३ मा प्रकाशित
