हामी सबैकाे संसारन्यूज

१.
बोकेर निष्ठा त्यो मनमा सदा फाली पापको कालो
जगाई सद्भाव त्यो जनमा नित्य हटाई मैलो जालो
निखारिदै देशको माया जब भावमा छाँउछ चन्द्रमा
शुद्धता उदाए मात्र त्यो दिलमा अनि आँउछ पालो ।
२.
न्याय, निष्ठा र सद्भावमा सदा जोखिन मन छ,
भाव मानिसको तरल हुन्छ र त पोखिन मन छ,
कहाँ अडेको छ र ! संसार आपसमा भर नपरी
हिमाल सरि स्वच्छतामा चुलिएर देखिन मन छ ।
३.
मनमा किन आज तिमीलाई देखुँ देखुँ लाग्यो,
दिलको कुरा आज तिमीलाई लेखुँ लेखुँ लाग्यो
शरद लाग्यो फूलमा हेर भँवराको ताँती
उडि-जाला वासना फूलको छेकुँ छेकुँ लाग्यो ।
४.
जति गुण लाउछौ मानव मनमा त्यति लगाउ,
तालको पानी शान्त नै रहन देउ धेरै नचलाउ
बैगुनिलाई गुणले जित्नु पर्छ भन्थे भन्न त बुढा पाकाहरुले सँधै
तर, गुणले गुण खान्छ, तँलाई म खान्छु भन्छ बैगुणीले धेरै नबहलाउ ।
५.
न त वर रह्यौ ,न त पर भयोै तिमी,
वरीपरि कही देखिन कहाँ गयौ तिमी,
साईतको दियो बलिरहेछ आज हेर प्रिय
आश मारेर जिन्दगीको कता हरायौ तिमी ।