Sansar News
काठमाडौँ । दिनेश माङ्मुले निर्देशन गरेको ‘तिहारको दिन यो’ बोलको गीत सार्वजनिक भएको छ ।
गायिका आशा सुहाङको स्वर रहेको उक्त गीतको भिडियोमा एलिशा राई र सन्ध्या बुढा (काउली बुढी) ले अभिनय गरेका छन् । गायिका आशाकै निर्माण तथा शब्द रहेको तिहार गीत ओरिजिन नेपाल युट्यूवच्यानलबाट सार्वजनिक गरिएको हो ।
एलिशा र काउली बुढीको साथमा उक्त गितको भिडियोमा बाल कलाकारहरु आदित्य लिङदेन लिम्बू, निश्चल सुहाङ लिम्बू र स्माइल सुहाङ लिम्बूको समेत अभिनय रहेको छ ।
दिप घतानीको संगीत, रेकर्डिङ, मिक्सिङ र मास्टरिङ रहेको गीतको संगीत संयोजन भने टेकेन्द्र यक्सो लिम्बूले गरेका हुन् । बुद्ध थापा (नेपाल) र इन्द्रावती क्रिएशनको छायाँकन रहेको भिडियोमा मेकअप समरा लामा र सम्पादन तथा कलर बिकास धमलाले गरेका हुन् ।
वि.सं.२०७७ कात्तिक २७ बिहीवार १६:२४ मा प्रकाशित
