Logo
२ जेष्ठ २०७९, सोमबार
     Mon May 16 2022
E-paper
  English Edition
   Unicode
Logo

कविताः मेरो अस्मिता



मलाई नचिने जस्तो गरेर तिमी
मलाई नदेखे जस्तो गरेर
मेरै छेऊ भएर गयौं
आखिर तिमीले राख्न दिएको थियो र
यो माटो परैबाट मेरो भनिरहन्छौ ?

मेरो आङ्गमा तिमीले
मेरो स्वाभिमानमा तिमीले
कोर्नु पर्दैन सिमाना फेरि ।
हेर
इतिहास साक्षी छ शदियौंदेखि
हाम्रो पूर्वजको चिहान यही माटोमा छ
सुघि हेर सुगन्ध ।

तिमीले हाम्रो जातियताको पहिचानलाई
अंकुश लाउन खोज्छौ
गोर्खाको वीरत्वको तक्मालाई
नचिनेर केवल कुडादानमा मिल्काउन खोज्छौ ।

आमाको काख कसलाई प्यारो हुन्न र ?
आमाको प्रेम कसलाई प्यारो हुन्न र !
मातृत्व र मातृसत्ताको निमित्त
लडिरहनेछ यो जाति
अनि एकदिन तिमी पराजित हुने छौ
जसरी महाभारतमा कौरवले
युद्धभूमिबाट भाग्नु परेको थियो ।

हेर तिमीले बुझ्नुपर्छ अब यो
देशलाई दासत्व हुनबाट हाम्रा पिता पुर्खाले
तातो रगत र पसिना बगाएका छन् ।

बुझ गोर्खाली–नेपाली हार्न जान्दैन विश्वमा
एक मुठ्ठी साहस रहुञ्जेल लडिरहने
जाति हामी ।

हाम्रो जिब्रो काट्न खोज्छौ
बोली बन्द गर्न खोज्छौ
हामीलाई बिनाकारण
हाम्रो अस्तित्व, स्वाभिमान र अस्मिताको
तिमीले निर्मम हत्या गर्न खोज्छौ ।

के मुलुकको रक्षा गरेको छैन र ?
के मेरो जाति मेरो सन्तानले
सिमाना सुरक्षाको खातिर
लडेको छैन र ?
सहिद भएको छैन र?

आज तिमी किन मेरो जातिलाई
विद्रोहीको उपमा दिन्छौ
के देश रक्षक विद्रोही हुन सक्छ र !

आमाको काख कसलाई प्यारो हुन्न र ?
आमाको प्रेम कसलाई प्यारो हुन्न र !
मातृत्व र मातृसत्ताको निमित्त
लडिरहनेछ यो जाति
अनि एकदिन तिमी पराजित हुने छौ
जसरी महाभारतमा कौरवले
युद्धभूमिबाट भाग्नु परेको थियो ।

लोवर लिङदुम गान्तोक, सिक्किम


यो खबर पढेर तपाईलाई कस्तो महसुस भयो ?

काठमाडौं । शुक्रबार सम्पन्न स्थानीय तहको निर्वाचनको मतपरिणाम आउने क्रम जारी छ । हालसम्म

पर्वत । पर्वतमा सातवटै स्थानीय तहमा मतगणना जारी रहेको छ । शुक्रबार सम्पन्न स्थानीय

काठमाडौं । स्थानीय तहको निर्वाचनअन्तर्गत आइतबार अपरान्हसम्म ३२ पालिकाको मतगणना सकिएको छ । ३२

बुटवल । रुपन्देहीको सैनामैना नगरपालिका-१को वडाध्यक्षमा नेकपा माओवादी केन्द्रका भुवनसिंह थापा विजयी भएका छन्

दमौली । स्थानीय तह निर्वाचनअन्तर्गत तनहुँमा छ वडाको मतपरिणाम सार्वजनिक भएको छ । आइतबार