हामी सबैकाे संसारन्यूज

२९ पुष, लण्डन । गुल्मीका लालप्रसाद सलामी मगरको यूकेमा निधन भएको छ ।

पुख्यौली घर गुल्मी कालीगण्डकी गाउँपालीका पूर्तिघाट ओकनेबाट काठमाडौँ हुँदै बेलायतको लण्डनस्थित ग्रिनफोर्डमा बस्दै आएका लाल प्रसाद सलामी मगरको ५९ वर्षको उमेरमा निधन भएको हो ।

प्रथम नौमती बाजा गुल्मी युके समुहका प्रमुख संयोजक ओम थापा काउचाका अनुसार लालप्रसाद मगरको पौष २७ गते सोमबार दिउँसो २.३० बजे निधन भएको हो ।

उनलाई गत अक्टोबर महिनामा संक्रमण पुष्टि भएको थियो । त्यसयता उनी अस्पतालमै थिए । उपचारकै क्रममा उनकाे Royal Brompton Hospital London मा निधन भएको बताइएको छ ।

युके मगर संघ बेलम्बी मिडलसेक्स शाखाका सचिव, गुल्मी जिल्ला समाज यूकेका आजीवन सदस्यसमेत रहेका मगर समाजमा सक्रिय, अती मिलनसार र ईमानदार व्यत्ति भएको काउचाले बताए । उनले लालप्रसादको निधनको खबरले सबैलाई अत्यन्तै मर्माहित तुल्याएको बताएका छन् ।

काउचाले प्रथम नौमती बाजा गुल्मी युके समूहका तर्फबाट समवेदना व्यक्त गर्दै भनेका छन् ‘यस दुखद घडिमा शोकाकूल परिवारलाई धैर्य धारण गर्ने प्रबल शक्तिको कामना, साथै स्मृतात्मालाई चीर शान्तिको प्रार्थना अनि भावपूर्ण श्रदाञ्जलि अर्पण गर्दै सम्पूर्ण प्रथम नौमती बाजा गुल्मी युके समुह का सदस्यहरुको तर्फबाट हार्दिक समबेदना प्रकट गर्दछौँ ।’

गुल्मी जिल्ला समाज यूकेका अध्यक्ष टोप पल्लीले पनि मगरको निधनमा दुख व्यक्त गरेका छन् ।