Sansar News
अन्तर्राष्ट्रिय नेपाली साहित्य समाजको हालै बसेको बैठकले अनेसास बालसाहित्य समितिको संयोजकमा वरिष्ठ साहित्यकार रामबाबु सुवेदीलाई चयन गरेको छ । लामो समयदेखि वालसाहित्यको क्षेत्रमा सेवारत सुवेदी हाल अनेसास नेपाल च्याप्टरको उपाध्यक्ष हुनुहुन्छ । उहाँ अनेसास सर्वोत्कृष्ट पुस्तक पुरस्कारबाट पनि सम्मानित भैसक्नु भएको छ ।
यसैगरी साहित्यकार शकुन्तला ज्ञवालीलाई नवरत्न पुरस्कार समितिको संयोजकमा चयन गरेको छ। साहित्यकार ज्ञवाली अमेरिकाको न्युयोर्कमा बसेर साहित्य सिर्जनारत हुनुहुन्छ ।
अनेसास केन्द्रीय कार्यसमितिका अध्यक्ष पदम विश्वकर्माको अध्यक्षतामा बसेको बैठकले उक्त निर्णय गरेको हो ।
वि.सं.२०७३ माघ १५ शनिवार १०:११ मा प्रकाशित
