Sansar News
सुन्दर कोमल भाव छ जस्को
प्रेमिल पावन मित्र छ उस्को
आदरले भव नित्य जितिन्छ
मान गरेपछि इज्जत मिल्छ ।१।
बाहिर सुन्दर रङ्ग हरूमा
भुल्दछ जीवन दृश्यहरूमा
मोहित गर्दछ रङ्ग र काया
आखिर तर्नुछ अन्तिम नैया ।२।
लोभ र पाप छ व्याप्त रमेको
छैन कतै मन ढुक्क थमेको
चिन्तनले मन शान्त गराउँ
देह छ सुन्दर प्रेम भराउँ ।३।
मानिस भित्र छ प्रेम अभाव
स्वार्थ भरिन्छ र पार्छ प्रभाव
राख्नु हुँदैन पखाल कुभाव
बन्नु छ सुन्दर बुद्ध स्वभाव ।४।
चाल छ सुन्दर कर्म अधर्म
भन्दछ तै पनि तिर्नु छ पर्म
गर्छ घमण्ड र गिर्दछ पÞmेरि
यो भवसागर तर्छ कसोरी । ५।
छन्दः दोधक
बुढानिलकण्ठ काठमाडौं,हाल -झापा
वि.सं.२०७७ फागुन २९ शनिवार ०६:५१ मा प्रकाशित
