Sansar News
५ चैत्र, काठमाडौं । ग्लोबल आइएमई बैंक लिमिटेड र बोधि होल्डिङ्ग प्राइभेट लिमिटेडबीच ग्राहकवर्गलाई सहुलियत ब्याजदरमा आवासिय घर कर्जा प्रवाह गर्ने समझदारी पत्रमा हस्ताक्षर भएको छ ।
उक्त समझदारी पत्रमा बैंकका प्रमुखकार्यकारी अधिकृत रत्नराज बज्राचार्य र बोधि होल्डिङ प्रा.लि.का अध्यक्ष जलेश्वर पाण्डेले हस्ताक्षर गरेका छन् ।
सो समझदारी अनुसार बैंकले बोधि होल्डिङ्ग प्रालिले ओम सतिया ४, भैरहवा, रुपन्देहीमा निर्माण गर्ने आवासिय घर निर्माण परियोजनामार्फत घर(जग्गा खरिद गर्न चाहने नेपाली नागरिकहरुलाई सहज रुपमा सहुलियत ब्याजदरमा घर कर्जा प्रवाह गर्नेछ ।
यसैगरि, ग्लोबल आइएमई बैंक, बोधि होल्डिङ्ग प्रा।लि।ले निमार्ण गर्ने परियोजनाको बैकिङ्ग पार्टनरको रुपमा पनि रहने छ ।
वि.सं.२०७७ चैत ५ बिहीवार १६:०२ मा प्रकाशित
