हामी सबैकाे संसारन्यूज

२९ चैत, काठमाडौं । पछिल्लो २४ घण्टामा देशैभरी गरिएको ३ हजार १२५ नमुना परीक्षणमा ३०३ जनामा कोरोना संक्रमण पुष्टि भएको छ ।

आज भक्तपुरमा ११, ललितपुरमा १५ र काठमाडौंमा १२८ गरी उपत्यकामा मात्रै १५४ जना संक्रमित थपिएका छन् ।

आज थपिएका ३०३ जनासँगै नेपालमा कोरोना संक्रमितको कूलसंख्या २ लाख ८० हजार २८ पुगेको छ ।

त्यसैगरी आज देशैभरी १४१ जना कोरोना संक्रमणबाट मुक्त भएका छन् । आज निको भएका १४१ जनासँगै नेपालमा कोरोना संक्रमणबाट मुक्त हुनेको कूलसंख्या २ लाख ७४ हजार २७ पुगेको छ । निको हुनेको यो दर ९७.९ प्रतिशत हो ।

त्यस्तै पछिल्लो २४ घण्टामा कोरोना संक्रमणबाट १ जनाको निधन भएको छ । स्वास्थ्य मन्त्रालयका अनुसार आज थपिएका १ जनासँगै हालसम्म कोरोना संक्रमणबाट ज्यान गुमाउनेको संख्या ३ हजार ४० रहेको स्वास्थ्य मन्त्रालयले जनाएको छ ।

त्यस्तै देशभरीका आइसीयुमा ८९ जना रहेका छन् भने १५ जना भेन्टिलेटरमा उपचाररत छन् ।

त्यस्तै देशैभरी सक्रिय संक्रमितको संख्या २ हजार ९६१ रहेको छ । ती मध्ये संस्थागत आइसोलेशनमा ३९४ जना र होम आइसोलेशनमा २ हजार ५६७ जना रहेका छन् । साथै ८३ जना क्वारेन्टिनमा रहेका छन् ।

त्यसैगरी हालसम्म पिसीआर प्रविधिबाट २३ लाख १२ हजार ९०१ कोरोनाका नमुना परीक्षण गरिएको छ ।

३५३२ नमुना परीक्षणमा थपिए ३३७ कोरोना संक्रमित, १ जनाको निधन