Logo
१२ असार २०७९, आईतवार
     Sun Jun 26 2022
E-paper
  English Edition
   Unicode
Logo

मुख्यमन्त्री गुरुङ्गविरुद्वको अविश्वासको प्रस्तावमाथि केहि दिनमै टुंगो लाग्ने



वैशाख १२, काठमाडौं । मृख्यमन्त्री पृथ्वीसुब्बा गुरुङविरुद्वको अविश्वासको प्रस्ताव सोमबार बस्ने प्रदेशसभामा टेबुल हुने भएको छ । आइतबार बसेको गण्डकी प्रदेशसभाको कार्यव्यवस्था परामर्श समितिको बैठकले सोमबारदेखि सुरु हुने प्रदेशसभाको विशेष अधिवेशनमा प्रस्ताव टेबुल गर्ने निर्णय गरेको हो ।

दलहरुले दर्ता अविश्वासको प्रस्तावमाथि पनि छिट्टै टुंगो लगाउने गरि तयारी थालेका छन् । दलहरुले सोमबारदेखि सुरु हुने विशेष अधिवेशनमा सम्बोधन गर्नेको पनि समयसीमा निश्चित गर्न सभामुखलाई अनुरोध गर्ने तयारी गरेका छन् ।

आइतबार बसेको परामर्श समितिको बैठकमा को–को बोल्ने भन्नेबारे अधिवेशन अगावै सचिवालयलाई सूची दिने तयारी पनि भएको जनाइएको छ ।

रातारात गरिएको थियो अधिवेशनको अन्त्य

यसअघि वैशाख १ को मध्यरात मुख्यमन्त्री गुरुङ्गले प्रदेशसभा अधिवेशनको अन्त्य गराएका थिए । उनले विपक्षी दलहरुले अविश्वासको प्रस्ताव दर्ताको तयारी गरेसँगै अपरझट अधिवेशनको अन्त्य गराएका थिए ।

मुख्यमन्त्री गुरुङले अधिवेशन अन्त्य गराएको भोली पल्ट अर्थात् वैशाख २ मा दलहरुले उनीविरुद्व प्रदेश सभा सचिवालयमा अविश्वासको प्रस्ताव दर्ता गराएका थिए । ६० सदस्यीय प्रदेशसभाका २८ सांसदले उनीविरुद्व लिखित रुपमा अविश्वासको प्रस्ताव दर्ता गराएका छन् ।

जुन प्रस्ताव दर्तापश्चात दलहरुले प्रदेश प्रमुखसँग विशेष अधिवेशनको माग गरेका हुन् । दलहरुको मागअनुसार प्रदेश प्रमुखले विशेष अधिवेशन बोलाएका हुन् ।

राष्ट्रिय जनमोर्चाको समर्थनमा ल्याइएको अविश्वास प्रस्ताव पास हुने सम्भावना अधिक छ ।

सम्बन्धित समाचार

अविश्वासको प्रस्ताव छल्न मुख्यमन्त्री गुरुङले मध्यरातमै गरे प्रदेशसभा अधिवेशनको अन्त्य

माओवादीका प्रदेश प्रमुखले एमालेका मुख्यमन्त्रीलाई सघाएपछि…


यो खबर पढेर तपाईलाई कस्तो महसुस भयो ?

काठमाडौं । सहरी विकास मन्त्री रामकुमारी झाँक्रीले सर्वोच्च अदालतका कायममुकायम प्रधानन्यायाधीश दीपककुमार कार्कीलाई भेटेकी

काठमाण्डौं । आज देशभरका पहाडी भू–भागका धेरै स्थानहरुमा र बाँकी भू–भागका थोरै स्थानहरूमा मेघ

मनहरी तिमिल्सिना । शुक्रबार एक सार्वजनिक कार्यक्रममा पूर्वप्रधानमन्त्री एवं नेकपा एमालेका अध्यक्ष केपी शर्मा

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा