Sansar News
मेरो पनि को नै छ र ? बाँकी कुरा आफैं बुझ;
बरू आऊ छेउमै सर, बाँकी कुरा आफैं बुझ ।
सबै कुरा जायज भन्छन्,युद्ध अनि प्रेममा रे !
मन मिले कस्को डर, बाँकी कुरा आफैं बुझ ।
म त मान्छे यस्तै हजुर, नसुन्नु कसैका कुरा;
बुझ्न आफैं भेट गर, बाँकी कुरा आफैं बुझ ।
मङ्सिर र माघ गयो, फागुन पनि जानै लाग्यो;
चैत अघि सिउँदो भर, बाँकी कुरा आफैं बुझ ।
मनको माया खन्याएर, तिमीलाई नुहाउँला;
मलाई देऊ तिम्रो थर, बाँकी कुरा आफैं बुझ ।
वेद प्रसाद ढुङ्गेल (विपिन अगस्ति )
काँडाघारी, काठमाण्डौ
वि.सं.२०७८ फागुन ७ शनिवार ०८:५१ मा प्रकाशित
