Sansar News
अच्युत घिमिरे
तिरखोला गाउँ, दोभान, भुटान
हाल DCCL, ङाङ्लाम (Nganglam)
१.
माया जोखेर जोखिन्न,
दुःख पोखेर पोखिन्न ।
२.
सोचेजस्तो जीवन, सहमति बनेको,
सबैलाई मद्दत मानवता भनेको ।
३.
शान्ति खोज्दै नहिँड शहर गाउँ घर,
मनलाई चिने मिल्छ शान्ति यही वर ।
४.
कहिलेकाहीँ सम्झि बसेँ एकान्त ठाउँमा,
विदेश बाट फर्कन्छु अब आफ्नै गाउँमा ।
५.
आएको यहाँ सोचेर केही रौनक होलीको,
रंग्याउ शिर, नमानी पीर तनाव भोलीको ।
६.
जता बग्छ खोलो तेतै बग्छ नाला,
हुनेखाने खुल्ला, दुखिलाई ताला ।
७.
बाबा र आमा अमूल्य धन नभुल्नु कहिले,
सहारा दिने कर्तव्य बुझि सजाऊ जहिले ।
८.
कहीँ जेल पस्यो भने फर्केर आउला,
गएको इज्जत् अब किन्न कहाँ पाउला ।
९.
धर्ती राम्रो आकाशको झलमल्ल ताराले,
देश राम्रो जनले बनाउँ आफ्नै पाराले ।
१०.
बिहानीको झुल्के घामले थाल्यो सितको थोपा चुम्न,
इच्छा थियो मुर्मा गाउँ नजीकको रारा लेक घुम्न ।
वि.सं.२०७८ चैत ५ शनिवार ०५:४६ मा प्रकाशित
