हामी सबैकाे संसारन्यूज

काठमाडौं । अप्पर सोलु हाइड्रो इलेक्ट्रिक कम्पनीले भोलीदेखि आईपिओ निष्काशन गर्ने भएको छ । अप्पर सोलुले आयोजना प्रभावित र स्थानीयका लागि आईपिओ निष्काशन गर्ने भएको हो ।

कम्पनीले साधारण शेयर आयोजना प्रभावित क्षेत्र सोलुखुम्बु जिल्लाको हालको सोलु दुधकुण्ड न. पा. (साविकको टाकसेन्दु, बेनी, तामाखानी, सल्लेरी, गार्मा, केरुङ्ग, गोराखानी, टाप्टिङ्ग र तिङ्गला गा.वि.स.) का सम्पूर्ण वडाका बासिन्दाकालागि वितरण गरिने जनाएको छ ।

कम्पनीले यी क्षेत्रका स्थानीयलाई १३ लाख ५० हजार कित्ता शेयर निष्काशन गर्ने छ । यस आईपिओमा न्युनतम १० कित्ता र अधिकतम १ लाख कित्ताको लागि आवेदन दिन सकिने छ । आईपिओका लागि छिटोमा जेठ ५ गते र ढिलोमा जेठ २० गतेसम्म आवेदन दिन सकिने छ । शेयर निष्काशनको लागि एनएमबि क्यापिटल बिक्रि प्रबन्धक रहेको छ ।

कम्पनीले आयोजना प्रभावित र स्थानीयलाई गरि ३३ करोड ७ लाख ५० हजार बराबरको ३३ लाख ७ हजार ५ सय कित्ता शेयर निष्काशनको गर्ने छ । स्थानीयलाई आईपिओ निष्काशन गरि बाँडफाँड गरेपछि कम्पनीले सर्बसाधारणलाई आईपिओ निष्काशन गर्ने छ ।