Sansar News
जानुका गुरागाईँ
झापा, हालः भक्तपुर
१
सज्जन जेलमा थुनिने हुन्छन्
सोझाहरूलाई मिथ्या आरोप लगाई
दुर्जन स्वार्थमा भुलिने हुन्छन्
२
भ्रष्टहरू मस्तले बाँचिने हुन्छन्
कानुनको सही कार्यान्वयन नहुँदा मुलुकमा
गरिब भासमा जाकिने हुन्छन्
३
स्वार्थका साइना गाँसिने हुन्छन्
जाली फटाहाको संख्या बढ्न थाले देशमा
दुखीका खुसी भागिने हुन्छन्
४
माया प्रेम टाढिने हुन्छन्
स्वार्थले मन भरिँदै गए सन्तानका
घर यसै भाँडिने हुन्छन्
५
प्रेमका गीत गाइँने हुन्छन्
मिलिजुली बसे सधैँ गाउँ समाजमा
आफन्त झन् चाहिने हुन्छन्
काफिया बन्धनः इने
स्थायीः हुन्छन्
वि.सं.२०७९ साउन २१ शनिवार ०८:१४ मा प्रकाशित
