हामी सबैकाे संसारन्यूज

शिवजी मण्डेल बिन्दास, बझाङ

१
दुख्ने थिएन बेसरी मन भनिदिएको भए,
मेरो जीवनमा अरु नै छन् भनिदिएको भए ।
आज आएर यसरी तड्पिनु पर्ने त थिएन सायद,
मेरो आशा नगर्नु एक वचन भनिदिएको भए ।।

२
नभएको भए मनमा पीर खुशी हुन्थेँ होला,
तिमी झैँ म पनि आखिर खुशी हुन्थेँ होला,
तिम्रो त भागमा पनि खुशी नै खुशी रहेछ,
भए तिम्रो जस्तै तक्दीर खुशी हुन्थेँ होला ।

३
तिमी हुनेछौ मेरो दिलकी रानी सहमति जनाउनु,
बिग्रेको छैन अझै पनि आनीबानी सहमति जनाउनु ,
माटोको भर ढुङ्गा ढुङ्गाको भर माटो भनेझैं हामी पनि प्रिया,
एकअर्काको भरमा कटाउला जिन्दगानी सहमति जनाउनु ।

४
बुन्ने रहेछन् बुझ्नै नसकिने गरि चाल अरूभन्दा,
फसाउनलाई गरे आफन्तले अनेक कमाल अरूभन्दा !
आफन्तको साथ गर्न जोड्नुको मुख्य कारण यहीँ हो साथी,
राम्रो गर्नखोज्दा पाइला पिच्छे बिछ्याउँछन् जाल अरूभन्दा ।

५
तिम्रो मात्रै याद आउँछ नि अति बेलाबेलामा,
भएको सुन्न पाइयोस् तिम्रै प्रगति बेलाबेलामा
तिमीले पो मलाई सजिलसँग भुलेर टाढियौ प्रिय,
यता छट्पटी हुन्छ पाउँदिन ओखती बेलाबेलामा ।