Sansar News
काठमाडौं । प्रभु क्यापिटल र ट्रयाङक्युलिटी स्पाबीच सम्झौता भएको छ । प्रभु र स्पाबीच शुक्रबार क्यापिटलका ग्राहकलाई छुट दिने सम्बन्धी सम्झौता भएको हो ।
यस सम्झौता अन्तर्गत क्यापिटलका ग्राहकले स्पाबाट सेवा लिँदा ३० प्रतिशत छूट पाउने छन् । यो योजनाबाट लाभ लिन हितग्राही ग्राहकले आफ्नो मोबाईलमा प्रभु क्यापिटल डिजिटल एप डाउनलोड गरी सोमा रजिष्टर भई आफ्नो डिम्याट खाता लिंक गर्नु पर्ने कम्पनीले जनाएको छ ।
कम्पनीका अनुसार २०८० असार मसान्त सम्म सञ्चालन हुने यो अफरको लाभ प्रभु क्यापिटलका हितग्राही ग्राहकले यसको नेपालभरिका शाखाहरुबाट प्राप्त गर्न सक्ने छन् । यो अफर हालसम्म एप डाउनलोड गरेका सम्पूर्ण हितग्राहीको हकमा समेत लागू हुने क्यापिटलले जनाएको छ ।
वि.सं.२०७९ भदौ ६ सोमवार १३:११ मा प्रकाशित
