हामी सबैकाे संसारन्यूज

निर्मल रमण पराजुली, सामाखुशी, काठमाडौँ

१
चुनाब आयो नेता आउलान्, चिल्ला कुरा गर्दै गाउँमा
सोझा जनता मख्ख पार्दै, पैसा बाड्लान ठाउँ ठाउँमा
बहिष्कार गरौ यस्ता नेता, जस्ले राष्ट्र खोक्रो पारि
हाम्रो स्वाभिमान बेचिसके लम्पसार परी बिदेशिको पाउमा ..

२
बा ले भोट दिने बेलादेखि, चुनाब लड्ने दलहरु
अझै पनि चुनाब लडदैछन्, देखाई सारा बलहरु
राम्रो काम गर्नु छैन सन्तति, कै भबिश्य डुब्ने गरि
भित्र भित्रै गरे यिनले कति, मुटु दुख्ने छलहरु ..

३
चुनाब आयो चल्न थाल्यो, जताततै भोटको कुरा
नेता नेता होड बाजीमा, गर्दैछन् नोटको कुरा
भोट माग्न आउनेसङ्ग एउटा, कुरा पक्कै गर्नु होला
सिटामोलको अभाब हुँदा, भोग्नु पर्ने चोटको कुरा….

४
देशलाई माया गर्ने मान्छे, राजनीतिमा आउनु पर्छ्
स्वच्छ छवि भय मात्र, देश हाक्न पाउनुपर्छ्
देश र जनता सबै भुली, आफ्नै स्वार्थ पूरा गर्ने
जनता मिली यस्ता नेता, सबै पाखा लाउनु पर्छ …

५
यो देशका प्रत्येक सन्तानलाई, देशको मायाँ हुनुपर्छ
देशलाई कतै चोट लाग्दा, उसको मन रुनुपर्छ
एकातिर संसारको सुख, अर्कोतिर माटो राखि
के रोज्छस् भनि सोध्दा, ऊसले माटो छुनुपर्छ..