Sansar News
अर्जुन प्रसाद चौलागाई
रामेछाप, हालः अमेरिका, म्यासाचुसेट्स बोस्टन
१.
देशले अझै कति गुमाएको छ सच्चा सपूत
देशका लागि केही नगर्ने कति छन् नि कपुत ।
२.
जसलाई पनि सहिद भन्दै भएको छ अपमान
वास्तविक सहिदहरुलाई गरौँ सबैले सम्मान ।
३.
सत्ता भनेपछि नेताहरू जहिल्यै नि हुरुक्क
सत्ताको स्वादले अहिले देखिराखिन्छ फुरुक्क ।
४.
जनता भन्दा पार्टी ठुलो नेताहरू चैँ अझै देखिन्छन् माथि
जनता नै ठुलो नमाने पछि तिनको पछि को होलान् साथी ?
५.
देशमा अझै नि उदाईराख्दा राजनीतिमा वेश्यावृत्ति
सबले मिलेर फाल्ने बेला भयो यस्तो फोहोरी प्रवृत्ति ।
वि.सं.२०७९ चैत १८ शनिवार ०८:१८ मा प्रकाशित
