हामी सबैकाे संसारन्यूज

प्रजित कुँवर, वालिङ्ग,स्याङ्जा

१.
समयले चुनौती दिन्छ महलमा पनि
अग्नी परिक्षा लिन्छ महलमा पनि
आफ्नै झुपडीमा रमाउन सिक्नुहोस्
अभावहरू खड्किन्छ महलमा पनि

२.
उर्लिन्छ खोला बेस्सरी मेलामा नजानु
घट्दैन अभाव कसैगरी मेलामा नजानु
वर्खामास बाढी आउँछ पहिरो जान्छ
बा, पर्दाखेरी ठुलो झरी मेलामा नजानु

३.
पत्थर जस्तै कठोर बनी चित्त बुझाउनु
न जलाउनु मुटू दनदनी चित्त बुझाउनु
परदेशबाट फर्किए भने रातो बाकसमा
सहयात्रा सक्किएछ भनी चित्त बुझाउनु

४.
मलाई एकपटक चर्चामा आउन मन छ
गरी अविस्वरणीय काम देखाउन मन छ
जम्मा पारेर देशका सबै गद्दार नेताहरू
कोठाभित्र थुनेर आगो लगाउन मन छ

५.
हुँदैन भन्छ समाजले पवित्र छोईन सक्छ
भयंकर भ्रम छ दिमाग भित्र छोईन सक्छ
म त जवानी चल्ने जात नचल्ने दलित परेँ
कृपया टाढै बस्नुहोस् न मित्र छोईन सक्छ