हामी सबैकाे संसारन्यूज

गणेश खतिवडा,गल्छी, धादिङ

१.
भएको छु निकै अलपत्र आउनु पर्दैन
मेरो हारकै चर्चा छ सर्बत्र आउनु पर्दैन
गन्तव्य बिर्सिएको छैन बस् बाटो भुलेको हुँ
बाटो देखाउन सके आउ नत्र आउनु पर्दैन

२
भोलि अप्ठ्यारोमा परिन्छ सोच्न सकेनन्
अनेक तरहका चोट दिन्छ सोच्न सकेनन्
आफ्नो धरातल बिर्सेर चम्किरहेकाहरुले
टुप्पोबाट पलाउदा भाँचिन्छ सोच्न सकेनन्

३.
तिमिले सोचेको जस्तो जीवन छैन बुझ्न सकिनौ
आवेशको निर्णयले जिन्दगी चल्दैन बुझ्न सकिनौ
मेरो निस्वार्थ माया तिमिलाइ झुटो लागे पनी
प्रिया, यी आँखाको आँसु झुटो हैन बुझ्न सकिनौ

४.
आँखा चिम्लेर जङ्घार तर्न सक्छु यति बुझि राख
तिम्रो जिन्दगी खुसीले भर्न सक्छु यति बुझि राख
तिमी ,मेरो लागि रुन सक्छु भन्छ्यौ भने देखि
प्रिय् म तिम्रो लागि मर्न सक्छु यति बुझि राख

५.
दिमागमा अनेक तरङ्ग आउँछ रात परे पछी
मन छट्टपटिन्छ होस हराउँछ रात परे पछी
दिनभर त देखावटी रुपमा खिस्स हाँसे पनि
भबिस्यकै चिन्ताले सताउँछ रात परे पछि