Sansar News
काठमाडौं । भगवती हाइड्रोपावर लिमिटेडको आईपीओ सम्बन्धित शेयरधनीको डिम्याट खातामा आएको छ । कम्पनीको आईपीओ बिजीडब्लूटीको सिम्बोलबाट शेयरधनीको हितग्राही खातामा देखिएको हो । कम्पनीको आईपीओ सूचीकरण प्रक्रियामा रहेको छ ।
विक्री प्रबन्धक सिद्धार्थ क्यापिटलले फाइल नेपाल स्टक एक्सचेन्ज नेप्सेमा पठाएको जनाएको छ । अव आवश्यक प्रक्रिया पुरा भएपछि कम्पनीको शेयर धितोपत्र दोस्रो बजारमा आउनेछ ।
भगवति हाइड्रोको आईपीओ बाँडफाँड
कम्पनीको आईपीओ ७१ हजार २ सय २२ जनाले १० कित्ताको दरले शेयर पाएका थिए । कम्पनीले भदौ ५ देखि भदौ ८ गतेसम्म शेयर निष्कासन गरेको थियो ।
कम्पनीले सर्वसाधारणलाई ७ लाख १२ हजार २ सय २० कित्ता शेयर निष्कासन गरेको थियो । कम्पनीले अंकित मूल्य १०० रुपैयाँमा १६ रुपैयाँ प्रिमियम थपेर प्रतिकित्ता ११६ रुपैयाँमा शेयर निष्कासन गरेको थियो ।
वि.सं.२०८० असोज २३ मंगलवार १४:०८ मा प्रकाशित
