back

कविता : आमा

वि.सं.२०८० मंसिर १६ शनिवार

666 

shares
Global IME AD
NMB Bank Limited Long Ad Banner

अलख निरन्जन लोहार,टीकापुर, कैलाली

राख्यौ साहस साथमा उदरमा, पीडा सहेरै कति,
मैले चोट दिए हुँला उसघडी, मुड्की र लात्ती अति,
हाँस्थ्यौ खित्खित सम्झदैँ दिनदिनै, सन्तानको जीवनी,
आँखाभित्र उनेर लाख सपना, पूरा हुनेछन् भनी ।।

मेरो भोक र प्यास निम्ति जहिल्यै, त्यो ज्यान आधा भयो,
कामैकाम सदैव सन्तति भनी, त्यो जिन्दगानी गयो,
मेरो श्वास सहासको कवच हौ, विश्वास जन्मान्तर,
मेरो मन्दिर तिर्थ स्वर्ग र सुधा, आमा तिमी ईश्वर ।।

यो संसारभरी समस्त बलकी, सौगन्ध उद्यान हौ,
मेरो चाँद अनन्य पूर्ण सविता, उर्जा कला ज्ञान हौ,
आमा हौ बहुमूल्य वस्तु गुणमा, आभा सदा खुल्दछ,
सारा विश्व ब्रह्माण्ड सार असली, आमा हुँदा खुल्दछ ।।

हेर्दै वस्छु जता चराचर भरी, आमा तिमी पाउँछु,
मेरो चित्त सगर्व शान्ति सँगमा, आमातिरै लाउँछु,
मेरो धाम धर अपार महिमा, आमा तिमी जीवनी,
मेरो प्राण तिमी नसा रगत हौ, बिर्सन्न कैले पनि ।।

आशीर्वाद रहोस् सदैव शिरमा, आत्मीय सेवा गरूँ,
पाऊँ देख्न समीप नित्य सजिलै, माया म गाढा भरूँ,
आओस् उज्ज्वल कर्ममा सफलता, हाँस्दै रमूँ काखमा,
के चाहिन्छ अरू हुनेछ मनको, आमा भए साथमा ।।

छन्द : शार्दूलविक्रीडित

 

वि.सं.२०८० मंसिर १६ शनिवार ०८:१२ मा प्रकाशित

कविता : जसरी नि सफल हुनु छ आमा

कविता : जसरी नि सफल हुनु छ आमा

कोपिला बर्देवा, काठमाडौं मलाई जसरी पनि सफल हुनुछ किनकी, आमालाई...

लघुकथा : साहुकार

लघुकथा : साहुकार

मनीषकुमार शर्मा ‘समित’ मध्यपुर ठिमी, भक्तपुर ‘ए बा ! उनीहरू...

नयाँ कार्यसमिति चयन गर्दै सगरमाथा साहित्य प्रतिष्ठानको महाधिवेशन सम्पन्न

नयाँ कार्यसमिति चयन गर्दै सगरमाथा साहित्य प्रतिष्ठानको महाधिवेशन सम्पन्न

काठमाडौं । सगरमाथा साहित्य प्रतिष्ठानको महाधिवेशन नयाँ कार्यसमितिको चयन गर्दै...

कविता : नियति गति

कविता : नियति गति

कल्पना भट्टराई, काठमाडौं कता जाने होला अलमल परेको छु पथमा...

टुक्का कविता

टुक्का कविता

कार्की डिबी माकुम सुनवल–४, नवलपरासी १. घुम्दै छ जीवन सधैँ...

मुक्तक

मुक्तक

निर्मल रमण पराजुली,समाखुशी, काठ्मान्डौ १. छोरी जन्मिई खुशी भए, ठुली...