Sansar News
मनीषकुमार शर्मा ‘समित’
मध्यपुर ठिमी, भक्तपुर
सहर, सडक आन्दोलित थियो । सत्ताको चास्नीमा डुबेको राजनीतिको व्यापक विरोधमा जनमास उर्लियो । सत्ताधारीमा शक्तिको उन्माद थियो । प्रतिउत्तरमा हिंसात्मक दमनले सहर, सडक रक्तिम भयो ।
पत्रकार सम्मेलनमा पत्रकारहरूको आक्रोस पोखियो –
“यो रक्तपातहरूको जिम्मेवारी तपाईँहरूले लिनुपर्छ ।“
“खै कहाँ भयो र रक्तपात ? म त कतै देख्दिन त ।“ सत्ताधारी प्रमुखको सहज जवाफ आयो ।
उता एक पत्रकार अर्को पत्रकारको कानमा फुसफुसाउँदै थिए–
“उहाँलाई वर्णान्ध भएको छ, रातोलाई सेतो देख्नु हुन्छ ।“
वि.सं.२०८१ साउन २६ शनिवार ०९:१७ मा प्रकाशित
