Sansar News
निम्बतरु, अर्घाखाँची
कुन सामान कहाँ राख्ने
एउटा निश्चितता हुँदोरहेछ
मन तख्तामा राख्नु कि खोपामा
बोजुहरुले खापामा घुसार्थे
र धार्जे बस्थे
बाजेहरुले राख्थे धुरीखाँबोमा मन
निश्चितता हुनुपर्दछ
मूलचौकोमा धरो राख्नुकी कन्दनी
आँटीको एक कुनामा ध्वजा राख्नु कि बत्ती
बाजेहरु काँध छुन दिदैथे जो तोलाई
आमाहरु आँखा देखाउदैन्थे
निश्चितता छ
तब जस्को जहाँ स्थान हो त्यहाँ शोभनीय देखिन्छ
हतपत सिरानीमा खुकुरी राखिन्न
बगैँचामा काँडा
हृदयमा घृणा सुहाउदैन
भनिरहनु र ?
तिमीलाई कहाँ राखेको छु
तिम्रो स्थान कुन हो ?
वि.सं.२०८१ भदौ २२ शनिवार ०५:३८ मा प्रकाशित
