हामी सबैकाे संसारन्यूज

प्रेम परियार, नर्बे । ‘स्वास्थ्य र मनोरंजनको लागी खेल’ भन्ने मूलनाराको साथ स्थापित यूनाईटेड ब्रदर्श नर्वेको आयोजनामा दशै कप २०२४ फुटबल सफलतापूर्वक सम्पन्न भएको छ ।

नर्वेको राजधानी ओस्लो शहरको ग्रोरूडको फुटबल मैदानमा यही १५ सेप्टम्बर २०२४ आईतबार सम्पन्न भएको उक्त प्रतियोगीतामा नेपालीहरुको महानपर्व दशैलाई लक्षित गरि आयोजÞना गरिएको हो ।

जसमा पुरुषतर्फ ११ र महिला ४ गरी १५ टिम सहभागी मध्ये ओस्लो यूनाईटेडले प्रथम पुरस्कार जित्न सफल भएको छ ।

ओस्लो यूनाइटेड र यूनाईटेड ब्रदर्श ९ टिमलाई पछी पार्दै फाईनल खेलमा पुगेको ओस्लो यूनाईटेडले आयोजक टिम यूनाईंटेड ब्रदर्शलाई २–० ले पराजित गरी नगद, शील्ड, ट्रफÞी र कप प्राप्त गरेको हो ।

नेपाली राष्ट्रिय धून बजाई उद्घाट प्रतियोगिता एनआरएन यूरोप उपसंयोजक राजु अर्यालको प्रमुख आतिथ्यतामा सम्पन्न भएको हो ।

सो प्रतियोगितामा अतिथि एनआरएन नर्बेका अध्यक्ष बिष्णु गौतम, आईसीसी सदस्य पवित्र बस्नेत, नर्बेमा क्रियाशील विभिन्न क्लब र नेपाली संघ, संस्थाको प्रतिनिधित्व गर्दै यसवर्ष ११ टिमको सहभागीता रहेको थियो । जसमा महिलातर्फ चार टिम मात्र सहभागी थिए ।

प्रतियोगितामा सहभागी १० टिमलाई पछि पार्दै ओस्लो यूनाईंटेड ले २–० को अन्तरले प्रथम भै उपाधि जित्न सफल भएको छ भने आयोजक यूनाईटेड ब्रदर्श नर्वे उपविजेता बनेको हो ।

प्रतियोगितमा महिलातर्फ सहभागी ४ टिम मध्यबाट एनआरएनए नर्बे प्रथम स्थान हासिल गर्न सफल भएको छ भने नेस्को नर्बे उपबिजेता बनेको छ ।

प्रतियोगितामा बेस्ट प्लेयर ओस्लो यूनाइटेडका संजय तामाङ, सबै भन्दा बढ़ी गोल गर्ने यूनाईटेड ब्रदर्शका प्रदर्स भट्टराई, बेस्ट गोल कीपर रुपेश श्रेष्ठ, उदयमान खेलाडी सफल थापा र महिला बेस्ट प्लेयरमा एनआरएन टिमबाट करुणा थापा र फियर खेलको अवार्ड योंग डाडसले हात पार्न सफल भएको छन् ।
पुरस्कार वितरण कार्यक्रममा प्रमुखंअतिथि, विभिन्न संघ संस्थाका प्रतिनिधि र सामाजिक अभियान्ताहरुको रोहबरमा नगद, शील्ड तथा प्रमाणपत्र वितरण गरिएको थियो ।

प्रथम विजेता ओस्लो एण्ड यूनाइटेडले ट्रफी, शील्ड, प्रमाणपत्र सहित नगद १२०००÷– प्राप्त गरेको छ । आयोजक यूनाइटेड ब्रदर्श उप विजेता बनेको छ ।

फुटबल खेलसंगै नेपाली स्वादको खाना ममः, चाउमिन, छोयला ,खाजा र अन्य परिकारको नेपाली स्टल राखिएको थियो ।

आयोजकले पनि उपस्थित सम्पूर्ण दर्शकहरुलाई निःशुल्क नेपाली खाना सेलरोटी अचार र स्वादिष्ठ भोजन वितरण गरेको थियो ।

कार्यक्रम पूर्णरूपमा सफल भएकोले आयोजकका तर्फबाट ई. अभिषेक पोखरेलले सम्पूर्णमा धन्यबाद दिदै आभार गरेका थिए भने प्रतियोगितामा करिव ३०० जनाको उपस्थिति रहेको थियो ।