Sansar News
तारा घिमिरे स्वेच्छा
खांदबारी–३, सङ्खुवासभा
१
शुभ बिहानी
सधैं रहोस् सुखद
यो जिन्दगानी ।
२.
आयो तिहार
सप्तरङ्गी टीकाले
भरी निधार ।
३.
दाजु र भाई
सम्बन्ध होस् प्रगाढ
यी चेलीलाई ।
४
देउसी भैलो
आयौं नाँच्दै गाउँदै
सबैको दैलो ।
५
हाम्रो चाहना
महान् पर्व तिहार
शुभकामना ।
६
कलिला हात
सामाएर लेखाऔं
दिएर साथ ।
७
असल हुन
शिक्षा गुणस्तरीय
चन्द्रमा छुन ।
८
बालाधिकार
नगरौं है हनन
त्यो अत्याचार ।
९
खेल्ने र पढ्ने
अधिकार सबैको
अगाडि बढ्ने ।
१०
यी कर्णधार
भोलि देशलाई नै
हाक्ने आधार ।
वि.सं.२०८१ कात्तिक १० शनिवार ०४:५९ मा प्रकाशित
