Sansar News
सरला ओझा, काठमाडौं
हाम्रो गर्व हो
महत्त्व छ महान
दसैं पर्वको ।१
देवलोकमा
साह्रै दुःख दिएछ
दैँत्य महिष ।२
महाकालीमा
ब्रम्हा बिष्णु शिवले
भयो आव्हान ।३
देवी दैँत्यको
घमासान युद्ध भो
जित देवीको ।४
दुष्ट सम्हार
दिग्बिजय देवीको
काली स्वरुप ।५
दैँत्य सम्हार
असत्यको हार भो
सत्य बिजय ।६
देवी कालीको
महिषकी मर्दिनी
नाम रहेको ।७
सुरुको दिन
नवदुर्गा आव्हान
घटस्थापना ।८
हिन्दु चलन
नौ दिन नौ रुपको
गरौँ भजन ।९
टीका लगाउँ
आफ्ना मान्य जनको
आशिष् लिउँ ।१०
वि.सं.२०८१ कात्तिक १७ शनिवार ०५:४० मा प्रकाशित
