Sansar News
निम्बतरु,अर्घाखाँची
डेमागग र रबल राउजरहरू प्रशस्त
हामी सोझा हेरेको हेर्यै !
हामी बडो इमानदार
जन –फुसलाव– कला जानेकाहरू नै बाँचे यहाँ
नराम्रो अर्थमा भन्ने हो भने
भन्न जति पनि सकिन्छ
यही संसार पनि कसैलाई स्वर्ग लाग्छ
सम्मोहन कला जान्नेहरूले कता कताबाट मोहनी लगाई हाल्छन्
भीडउत्तेक र जनोत्तेजक पनि एक प्रकारको
मनोत्तेजक भन्दा कडा ट्याब्लेट रहेछ
एकनासले लठ्ठीरहन सकिएकै छ
कुनै पनि लतले नराम्रोसँग अन्त्य गर्दछ थाहा छ
नराम्रो अर्थमा भन्ने हो भने
जीवन केही होइन
तर पनि कहिलेकसो गलत बाटो हिड्दै जाँदा
सही बाटो पनि भेटिएको छ
हुन त कुनै अर्थ छैन ।
वि.सं.२०८१ माघ २६ शनिवार ०५:०२ मा प्रकाशित
