हामी सबैकाे संसारन्यूज

वसन्त अनुभव,वसन्तविहार, घोराही, दाङ

—“लिनुहोस् ! लिनुहोस् ! सत्य हरिश्चन्द्र वटी । लिनुहोस् !“

—“हैन, के व्यवसाय थाल्नु भो फेरि ? यो कालो कालो दाना के हो ?“

—“सत्य हरिश्चन्द्र वटी।“

—“सत्य हरिश्चन्द्र वटी ? के गर्ने हो ?

—“खाने ।“

—“किन खाने ? खाए के हुन्छ ?“

—“यो खाएपछि मान्छेलाई सत्य कुराबाहेक केही बोल्न आउँदैन । जहिल्यै सत्य मात्र बोल्छ ।“

—“पक्का हो नि ! खोइ मलाई एउटा बट्टा दिनुहोस् त !“

—“बट्टा किन ? तपाईँलाई त एउटा चक्की भए पुगिहाल्छ नि !“

—“म झुठो कहिले बोलेको छु र ! मेरो लागि त एउटा चक्की पनि आवश्यक छैन ।“

—“अनि किन चाहियो त ! यति धेरै ?“

—“तपाईँलाई थाहा छँदै छ नि ! चुनाउ आउन अब कति नै बाँकी छ र ! भोट माग्न आउनेलाई एउटा एउटा दिउँ कि भनेर । कहिल्यै सत्य बोलेनन् ।“