Sansar News
चन्द्रावती अधिकारी, कोहलपुर, बाँके
नारीका पीडा दुख सबका घरघरमा छन्
सक्दैनन् पोख्न कतै नारी अक्करमा छन्
हाम्रा छोराछोरी बाँच्छन् पर मुग्लानमा
आखिर कति पुग्ला यसरी भन्ने डरमा छन्
हाम्रा नेता गर्छन् भाषण देशै खाने
जनताका सपना खोलाका पत्थरमा छन्
आमा बाबाभन्दा पैसा बन्दै छ ठुलो
छोराछोरी हेर्दै दामी भौचरमा छन्
पुर्खाले सास्ती भोगेर जमाए जेथा
सन्तति पाखा रेखा छोड्ने तरखरमा छन्
बहर : मीर
मात्रा : २४
काफिया : अर
तहलिली रदिफ : मा
रदिफ : छन्
अभ्यास : उज्यालो पाठशाला
वि.सं.२०८२ असार २१ शनिवार ०७:५६ मा प्रकाशित
