Sansar News
एकनारायण चापागाईं ,दाङ
वचन वाणजस्तो सियो के गरूँ म
छ तैयार घोच्न हियो के गरूँ म
जवानी छ हेर्दा रहर लाग्ने तिम्रो
नजर प्यासी बन्दै थियो के गरूँ म
असल कामले हो यहाँ मान्छे चिन्ने
खुराफात गर्दै चियो के गरूँ म
भनेको हुँ उसलाई लोभी नबन्नू
लुकीचोरी पैसा लियो के गरूँ म
त्यसै जिन्दगी यो अँध्यारो छ मेरो
सहारा बिनाको दियो के गरूँ म
बहर : मुतकारिब मुसम्मन सालिम
अर्कान : फऊलुन् फऊलुन् फऊलुन् फऊलुन्
वजन : १२२ – १२२ – १२२ – १२२
काफिया : इयो
रदीफ : के गरूँ म
अभ्यास : स्वर्ण पाठशाला
वि.सं.२०८२ असार २१ शनिवार ०८:०० मा प्रकाशित
