Sansar News
द्वारिका कुईँकेल, काठमाडौं
१.
प्रजातन्त्र रे !
भेष हिटलरको
स्वतन्त्र छ रे ।
२.
गणतन्त्र रे !
छानी छानी मारिने
बाँच्न हून्न रे ।
३.
वाकतन्त्र रे !
बोले मूख थुनिन्छ
भन्न खोज्या के ?
४.
आयो देशमा !
लोकतन्त्र आयो रे
राणा भेषमा ।
५.
दिक्क लाग्दछ !
आज भन्दा पहिल्यै
ठिक्क लाग्दछ ।
६.
अस्त व्यस्त भो !
यो देशको हालत
लौन कस्तो भो ?
७.
देश रोएको !!
म कसरी हेरूँ यो
रोग छोएको ?
८.
घुन लाग्या छ
देशले सपुतको
गुन माग्या छ ।
९.
उठौ खुरूक्क
देशलाई मिलेर
पारौ जुरुक्क ।
१०.
झिना मसिना !
देशलाई दिनू छ !!
खुन पसिना ।
वि.सं.२०८२ असार २१ शनिवार ०८:०६ मा प्रकाशित
