Sansar News
प्रद्युम्न चालिसे, भक्तपुर, कटुञ्जे
१)
नीति नियम हरायो
आदर्श सिद्धान्त निस्क्रिय
लाज पचाएर करायो ।
२)
कुर्लने फुलाएर छाती
देशलाई भारी ऋणको
नेताहरू भए पक्षपाती ।
३)
समृद्ध देश बनाउन
अग्रगमनको वर्षा भयो
कुहिएर थाल्यो गनाउन ।
४)
फूल सृष्टिको मूल
नटिप्नू हेर कोपिला
टिपेमा हुन्छ भूल ।
५)
श्रावणमा पूजा शिवको
श्रद्धाले गर्नु आराधना
कल्याण हुन्छ जीवको ।
६)
वर्षा हो अन्नदाता
जीवन धान्न अपरिहार्य
जय धरती माता ।
७)
जनता छन् आक्रान्त
भ्रष्टाचार गरेर नेताहरू
बनेका छन् सम्भ्रान्त ।
८)
विकासको तीब्र गति
वर्षाको छ याम
सुध्रेन सारथीको मति ।
९)
असारे विकास मित्र
हतारपतारमा लक्ष्यमा पुग्ने
कमाउने काइदा विचित्र ।
१०)
भानुभक्त साहित्यका रवि
भाषालाई सबल बनाए
हाम्रा आदरणीय आदिकवि ।
वि.सं.२०८२ साउन १७ शनिवार ०९:२५ मा प्रकाशित
