Sansar News
राजेन्द्रकुमार बज्राचार्य, नाला, बनेपा
उनै हुन् जो कहिले लजाएर जान्छन्
उनी नै कतै चोट खाएर जान्छन्
उनीभित्र इच्छा अनेकौँ रहेछन्
यहाँ भेटमा सब सुनाएर जान्छन्
नसालु छ आँखा कतै मोह छाड्ने
उनै आज माया बुझाएर जान्छन्
दुखेको छ छाती जलेझैँ छ देह
तिनै प्रीत घाती रुवाएर जान्छन्
दुवै साथमा अब बसौँ भन्छ मनले
उनी किन्तु जहिल्यै सताएर जान्छन्
बहर : मुतकारिब मुसम्मन सालिम
अर्कान : फऊलुन् फऊलुन् फऊलुन् फऊलुन्
वजन : १२२ – १२२ – १२२ – १२२
काफिया : आएर
रदिफ :जान्छन्
अभ्यास : उज्यालो पाठशाला
वि.सं.२०८२ साउन १७ शनिवार ०९:३१ मा प्रकाशित
