हामी सबैकाे संसारन्यूज

घनश्याम पौडेल,पोखरा

मोतीराम बने अमूल्य गहना यो देशका खातिर
सेवाकाल छँदाछँदै पनि उनी चाँडै बिते आखिर।
पुग्ने तीस थियो उमेर कलिलो छोडेन त्यो कालले
पर्खी भो अहिले भने नि किन खै छोपेन संजालले।१।

औँशीको दिन जन्मिएर उनले ख्याती कमाए निकै
बेलैमा सब काम ब्यापक गरी भाषा सुधारे निकै।
जिज्ञासा अझ मेटिए गजलका मोती हुनाले पनि
मोती हर्दम खोज्दथे मदनले खोजिन् मुनाले पनि।२।

खोजे पाण्डुलिपी हरेक घरमा रम्घा पुगी भानुको
छापे शब्द खिचेर आदिकविको त्यै अर्थ भो जानुको।
मोती गायन मण्डली शुरु गरे काशी र नेपालमा
ल्याए मेसिन छापिने तरहको लागेर सम्हालमा।३।

माता हुन् रिपुमर्दिनी र उनका बाबा दयाराम हुन्
दोश्रो सन्तति भट्टको थर हुककदा लाखौकक थरी काम छन्।।
लेख्थे नाटक साथमा गजल औ गर्थे समालोचना
छाप्दा खेरि अपूर्ण पङ्ति थपिए भन्ने छ आलोचना।४।

कीराबाट हिरा बने चहकिलो छाप्दा त रामायण
आफैले कविता थपे कि उनले होला र अन्वेषण।।
थोरै बर्ष जिए तरै पनि उनी ब्यस्तै रहे काममा
मोतीकै रुपमा टलक्क हुनु है हाम्रो यही कामना।५।

छन्द : शार्दूलविक्रीडित
गण : स – म – स – ज – स – त – त – गु
गण सङ्केत : SSS – IIS – ISI – IIS – SSI – SSI – S