हामी सबैकाे संसारन्यूज

मुम्बई । मुम्बईमा आयोजित मिसेज इन्डिया वल्र्डवाईड २०२५ प्रतियोगितामा युगान्डाबाट सहभागी बनेकी एनआरएनए युगान्डा अध्यक्ष रमा अर्यालले जित हासिल गरेकी छन ।

श्री साई इन्टरमेन्ट प्रालिले आयोजना गरेको उक्त प्रतिष्ठित अन्तराष्ट्रिय सौन्दर्य प्रतियोगीतामा चौतिस बर्षकी रमाले सोह्र देशका प्रतिस्पर्धिलाई पछाडी पारेर उक्त ताज पहिरन सफल भएकी हुन् ।

मिसेज इन्डिया वल्र्डवाइड सौन्दर्य प्रतियोगिता मात्र नभई बिवाहित महिलाहरुको आत्मविश्वास, नेतृत्व क्षमता, सांस्कृतिक सचेतना, कला र सामाजिक योगदानमा नेतृत्व विश्वव्यापी रुपमा पहिचान गराउने प्रतियोगिता हो ।

अमेरिकाको एभेनेइच युनिभर्सिटीबाट हालसालै मानार्थ डाक्टरको उपाधी प्राप्त रमा युगान्डाको कम्पालामा व्यापार ब्यवसाय गर्छिन भने गैरआवासिय नेपाली संघको अध्यक्षको रुपमा पनि सामाजिक कार्यमा संलग्न छन् । उनले नेपालको राष्ट्रिय झन्डा उचाल्दै प्रवासी नेपाली र नेपालको झन्डा अन्तर्राष्ट्रिय मंचमा उचो पारेकी छिन ।