हामी सबैकाे संसारन्यूज

एक नारायण चापागाईं, दाङ

जहाँ छन् दैत्यझैँ मान्छे त्यहाँ अपराध गाढा छ
त्यही बिच धर्ममा लाग्ने कुनै मान्छे त सच्चा छ

शरणमा पर्छु हे माता छु अज्ञानी यहाँ धेरै
म तिम्रै द्वारमा आएँ लगाऊ पार आशा छ

नदी भागीरथी भन्दै गरेँ पूजा सदा तिम्रो
तिमी निर्मल सुधा जल हौ रहेको मेट्नु तिर्खा छ

लगाऊँ ध्यान कसरी खै सदा भगवान् यहाँ तिम्रो
हुँदा चञ्चल यही मनमा विजयको लक्ष्य आधा छ

खुसी पलमै हरायो भन्दछन् जीवनको हे माता
बताऊ मार्ग कुन हो मोक्षको सबलाई पीडा छ

बहर : हजज मुसम्मन सालिम
अर्कान : मुफाईलुन् , मुफाईलुन् , मुफाईलुन् , मुफाईलुन् ,
वजन : १२२२ – १२२२ – १२२२ – १२२२
काफिया : आ ( एकाक्षरी )
रदिफ :छ
अभ्यास : परिश्रमी पाठशाला