हामी सबैकाे संसारन्यूज

हिरा भट्ट “बदमास नम्बर दुई“
पञ्चेश्वर–६, बैतडी

मुखले मदिरासित मासु निले,
म त भोट खसाल्दछु नोट मिले ।
सुन बाँदरको म बिरादर हुँ,
म त मानिस होइन बाँदर हुँ ।१।

जब बाँदर नाच्दछ शासनमा,
जब देश रहन्छ कुशासनमा ।
म त बोल्न डराउँछु काँतर हुँ,
म त मानिस होइन बाँदर हुँ ।२।

जब शासक खोल्छ सबै कपडा,
थपडीसित हुन्छु जुरुक्क खडा ।
म त लाज बचाउँछु चादर हुँ,
म त मानिस होइन बाँदर हुँ ।३।

म त मस्त छु खेत–बजेटसित,
मुटु मान्छु मुसा र बिडाल मित ।
दल चर्छु चराउँछु चाकर हुँ,
म त मानिस होइन बाँदर हुँ ।४।

जब रुन्छ किसान विना फसल,
म त बज्दछु नाच्दछु ढोग्छु दल ।
दलको म त पाउजु खाँकर हुँ,
म त मानिस होइन बाँदर हुँ ।५।

कविले कवितासित भन्नुप¥यो,
सब बाँदर मानिस बन्नुप¥यो ।
म त इज्जतहीन निरादर हुँ,
म त मानिस होइन बाँदर हुँ ।६।

छन्द : तोटक
गण :स – स – स – स
गण सङ्केत : IIS – IIS – IIS – IIS