हामी सबैकाे संसारन्यूज

नन्दलाल आचार्य
बेलका–२, सिद्धार्थटोल, गल्फडिया, उदयपुर, कोसी प्रदेश

१.
ढल्काउँदा टोपी शिर
उच्च शान नेपालीको
मेटिन्छन् सबै पिर ।
२.
सगरमाथा जस्तै उँचो
धर्तीको सुन्दर फूल
छैन यहाँ कुचो ।
३.
नेपालीको चिनो चोखो
सभ्यताको एउटा कडी
सजाउने मेरो धोको ।
४.
मखमली चिनो हाम्रो
पुर्खाको नासो संस्कृति
कति ज्यादै राम्रो ।
५.
बुट्टा भरेको चिनारी
संसारलाई देखाउने मौलिकता
हाम्रो आफ्नै भारी ।
६.
हिमालझैँ छ अटल
नेपाली मनको भावना
सधैँ रहन्छ सफल ।
७.
एकताको सूत्र गाँस्ने
विविधतामा एउटै रङ्ग
दुःखका दिन नास्ने ।
८.
मौलिक भेषको ज्योति
राष्ट्रिय एकताको गौरव
सबैको प्रिय मोती ।
९.
शिरको शोभा बढाउँछ
नेपालीपनको सुगन्ध छर्दै
गर्वले माथ उठाउँछ ।
१०.
सबैको साझा भारी
पुर्खाको पसिना रगत
नेपालीको छ चिनारी ।